ક્રાઈમ / 'જયપુર, નાગપુર અને ગોવા સહિત ઘણા એરપોર્ટને બોંબથી ઉડાવી મૂકીશું', ધમકીભર્યા ઈમેઈલથી હડકંપ

ફરી કોઈકે બોંબથી એરપોર્ટ્સને ઉડાવી મૂકવાની ધમકી આપી છે. દેશમાં સોમવારે જયપુર, નાગપુર, ગોવા સહિતના ઘણા એરપોર્ટ્સને બોંબથી ઉડાવી મૂકવાનો ઈમેલ આવતાં હડકંપ મચ્યો હતો. સોમવારે સવારે નાગપુર એરપોર્ટ ડાયરેક્ટર આબિદ રુઈના ઈમેલ પર આવો ધમકીભર્યો ઈમેઈલ આવ્યો હતો. ત્યાર બાદ એરપોર્ટ્સની સુરક્ષા વ્યવસ્થા કડક કરી દેવામા આવી હતી. એરપોર્ટ ઓથોરિટી દ્વારા નાગપુર પોલીસને ફરીયાદ કરવામાં આવતાં તપાસ શરુ કરી દેવામાં આવી છે.

વધુ વાંચો : તેલંગાણા CM રેવંત રેડ્ડીને દિલ્હી પોલીસનું સમન્સ, અમિત શાહ ફેક વીડિયો કેસમાં કાર્યવાહી

બે દિવસ પહેલાં પણ એરપોર્ટને ઉડાવવાની ધમકી

ઉલ્લેખનીય છે કે હજુ બે દિવસ પહેલાં એટલે 27 એપ્રિલે પણ રાજસ્થાનના જયપુરમાં આવેલા એરપોર્ટને ઉડાવી મૂકવાની ધમકી મળી હતી.

અટકચાળાનો પોલીસને શક

આ કેસમાં કોઈકે અટકચાળો કર્યો હોવાનો પોલીસને શક છે. સામાન્ય રીતે આવા ધમકીભર્યાં ખાલી પોકળ હોય છે અને તેને સત્ય સાથે કંઈ લેવાદેવા નથી.

પોલીસે ઈમેઈલ મોકલનારની તપાસ આદરી

પોલીસે ઈમેઈલ મોકલનારનું પગેરુ શોધી કાઢવાનું શરુ કર્યું છે.