વાયરલ / 100ની સ્પીડે ટ્રેન ભગાવીને મહિલા ડ્રાઈવર મચેડવા લાગ્યાં મોબાઈલ, સામે આવી બીજી ટ્રેન, કંપાવનારો વીડિયો

• રશિયાનો એક વીડિયો સોશિયલ મીડિયા પર વાયરલ
• મહિલા ટ્રેન ચાલક ટ્રેન ચલાવતા સમયે વાપરતી હતી ફોન
• અન્ય ટ્રેન સાથે અથડાતા સર્જાઈ દુર્ઘટના, જુઓ VIDEO

વાહનચાલકોને વારંવાર ચેતવણી આપવામાં આવતી હોય છે કે ડ્રાઈવિંગ સમયે મોબાઈલ ફોન પર વાત ન કરો અથવા ફોનનો ઉપયોગ ન કરો કારણકે તેમાં અકસ્માતનો ખતરો સૌથી વધારે હોય છે. તેમ છતાં અનેક ડ્રાઈવિંગ કરનારાઓ ફોનનો ઉપયોગ કરે છે અને પોતાના સાથે ટ્રાવેલ કરી રહેલા લોકોનાં જીવને જોખમમાં મૂકે છે.

driving a train while on a smartphone pic.twitter.com/CZA23skxdv

— CCTV IDIOTS (@cctvidiots) April 20, 2023

ટ્રેન બીજી ટ્રેન સાથે અથડાઈ
ખતરો હોવા છતાં રશિયામાં એક મહિલા ટ્રેન ચાલક ટ્રેન ચલાવતા સમયે ફોનનો ઉપયોગ કરતી નજરે પડી હતી. વીડિયોમાં જોઈ શકો છો કે એક મહિલા ટ્રેન ડ્રાઈવરની આંખો ફોનની સ્ક્રીનમાં ઘુસેલી છે ત્યારે અચાનક ટ્રેન ટ્રેક પર આવી રહેલી બીજી ટ્રેન સાથે અથડાઈ જાય છે. 

મહિલા ડ્રાઈવરનો માંડ બચ્યો જીવ
માહિતી અનુસાર આ વીડિયો 2019નો છે જે હાલમાં વાયરલ થઈ રહ્યો છે. વીડિયોમાં એક ટ્રેન હાઈ સ્પીડમાં દોડતી નજરે પડે છે. ડ્રાઈવર સીટ પર એક મહિલા બેઠી છે. તે ટ્રેન ચલાવવાની સાથે ફોન પણ વાપરી રહી છે. થોડીવારમાં ટ્રેન તે જ લાઈનની બીજી ટ્રેન સાથે અથડાઈ ગઈ. બંને ટ્રેનની ટક્કર એટલી ભયાનક હતી કે આગળનાં પાર્ટસનાં ડૂચાં થઈ ગયાં હતાં. જો કે યાત્રીકોની સંખ્યા ઓછી હોવાને કારણે કોઈ જાનહાનિ નથી થઈ. મહિલા ડ્રાઈવર આ દુર્ઘટનામાં માંડ-માંડ બચી હતી.

Disclaimer: આ વીડિયોની તથ્યતા અંગે VtvGujarati કોઈ જવાબદારી લેતું નથી.