ચકચાર / પિતાની હેવાનિયત, પુત્રી પર ગરમ દૂધ ફેંકીને ચહેરો સળગાવ્યો, ખોપરી તૂટી ત્યાં સુધી મારી, પછી પત્ની સાથે ક્રૂરતા

• ગુરુગ્રામમાં હૈયું હચમચાવી નાખતી
• પિતાએદીકરી પર ધગધગતું દૂધ નાખીને ચહેરો બાળી નાખ્યો
• પોલીસે મામલો દબાવ્યો હોવાનો આરોપ

ગુરુગ્રામથી હૈયું હચમચાવી નાખતી ઘટના સામે આવી છે. જેમાં નિર્દય પિતા હેવાન બન્યો હતો. પિતાએ પોતાની દીકરી પર ગરમ ધગધગતું દૂધ નાખીને તેનો ચહેરો બાળી નાખ્યો હતો. બાદમાં તેને દીકરી પર હુમલો કર્યો હતો. જેમાં પુત્રીની ખોપડીનું હાડકું તૂટી ગયું હતું.આટલું ઓછું હોય તેમ આરોપીએ તેની પત્નીને પણ બેફામ માર માર્યો હતો. જેને લઈને તેની પત્નીએ પોલીસ મથકમાં ફરિયાદ દાખલ કરતા પોલીસે કાર્યવાહી હાથ ધરી છે.

આરોપીએ તેની પત્ની પર પણ મારપીટ કરી 
આ મામલે જાણવા મળતી વિગત અનુઆર ગુરુગ્રામના ભોંડસી વિસ્તારમાં ચકચારી ઘટના સામે આવી હતી. આરોપી પર તેની 9 વર્ષની પુત્રીને ગરમ દૂધ પીવડાવીને હત્યાચાર ગુજર્યાંનો આરોપ લાગી રહ્યો છે. આ ઉપરાંત આરોપીએ તેની પત્ની પર પણ મારપીટ કરી હતી. મીડિયા રિપોર્ટ્સ અનુસાર, આરોપી છેલ્લા ત્રણ વર્ષથી પોતાના પરિવાર સાથે ભાડાના મકાનમાં રહી ગુજરાન ચલાવે છે. થોડા દિવસો અગાઉ આરોપીએ પોતાની પુત્રી અને પત્નીને બેરહેમીથી માર માર્યો હતો. જે મામલો બહાર આવ્યા બાદ પોલીસ કામે લાગી છે. જોકે  આરોપીએ આવું કૃત્ય શા માટે કર્યું? તે અંગે કોઈ સત્તાવાર નિવેદન સામે આવ્યું નથી.

ખોપરીનો પાછળનું હાડકું ભાંગી ગયું

 તો સાથે જ પોલીસ પર કેસને દબાવવાનો આરોપ લાગી રહ્યો છે. પીડિતાના સંબંધીઓ એવો આરોપ લગાવી રહ્યા છે કે બાળકીના મામાએ પોલીસ સ્ટેશનમાં ફરિયાદ નોંધાવી હતી. જોકે પોલીસે આ કેસ દબાવી દીધો હતો. જોકે આ બાદ પણ પીડિતાની માતાએ હાર ન માની હતી અને લગભગ બે સપ્તાહ બાદ પણ પતિની સામે ભોડશી  પોલીસ મથકમાં એફઆઈઆર દાખલ કરાવી હતી. જેને લઈને પોલીસે આરોપી સામે ફરિયાદ નોંધ હતી અને કાર્યવાહી હાથ ધરી હતી. સીટી સ્કેન રિપોર્ટ માં સામે આવ્યા મુજબ અત્યાચારનો ભોગ બનેલ બાળકીની ખોપરીનો પાછળનું હાડકું ભાંગી ગયું છે. મહિલાએ આરોપ લગાવ્યો કે 112 નંબરમાં ફરિયાદ કરવા છતાં પોલીસે કાર્યવાહી કરી ન હતી અને ઉલટાનું તેના પતિ સાથે સમજૂતી કરી અને મામલો રફે દફે કરી દીધો હતો.