- ટેસ્લા ટૂંક સમયમાં ભારતમાં બિઝનેસ શરૂ કરી શકે છે.
- ઈમ્પોર્ટ ડ્યૂટીમાં બેથી ત્રણ વર્ષની છૂટ આપવામાં આવી શકે.
- ઈલેક્ટ્રિક વાહનોના ભાવ ઘટશે અને રોજગારીની તકો વધશે.
અમેરિકન ઇલેક્ટ્રિક વાહન (EV) ઉત્પાદક ટેસ્લા ટૂંક સમયમાં ભારતમાં બિઝનેસ શરૂ કરી શકે છે. કેન્દ્ર સરકાર 30 લાખ રૂપિયાથી વધુની ઈલેક્ટ્રિક કાર પરની ઈમ્પોર્ટ ડ્યૂટીમાં બેથી ત્રણ વર્ષની છૂટ આપવાનું વિચારી રહી છે. દેશમાં $40,000 થી વધુ કિંમતની કાર પર 100% આયાત કર છે. આ હેઠળ, ઓછી કિંમતની કાર પર 60% ઇમ્પોર્ટ ડ્યૂટી એટલે કે આયાત કર લાગુ થાય છે.
અહેવાલો અનુસાર, ટેસ્લાને ઇલેક્ટ્રિક વાહનોના ઉત્પાદન માટે ફેક્ટરી સ્થાપવા ઓછો આયાત કર સૂચવવામાં આવી શકે છે. જો સરકાર ઇલેક્ટ્રિક વાહનોની આયાત પર 15% ટેક્સ ઘટાડે છે, તો ટેસ્લા બે અબજ ડોલર સુધીનું રોકાણ કરી શકે છે. સરકારની આ પહેલ વિદેશી ઓટોમોબાઈલ કંપનીઓને દેશમાં વાહનો બનાવવા માટે પ્રોત્સાહિત કરશે, જેનાથી ઈલેક્ટ્રિક વાહનોના ભાવ ઘટશે અને રોજગારીની તકો વધશે.
જો કે દેશની ઓટોમોબાઈલ કંપનીઓ ઇલેક્ટ્રિક વાહનોની આયાત પર ટેક્સ છૂટનો વિરોધ કરી રહી છે. ટેસ્લાની સાથે અન્ય દેશો પણ ચીની ઓટોમોબાઈલ કંપનીઓ પર ટેક્સ વધારવાની માંગ કરી રહ્યા છે. હાલમાં જ કંપનીના સીઈઓ એલોન મસ્કે કહ્યું છે કે જો ચીનની ઓટોમોબાઈલ કંપનીઓ પર વેપાર સંબંધિત નિયંત્રણો લાદવામાં નહીં આવે તો તે વિશ્વભરની ઓટોમોબાઈલ કંપનીઓ માટે ખતરો બની શકે છે.
વધુ વાંચો: જાપાન-બ્રિટન મંદીમાં, અમેરિકા દેવાથી બેહાલ, તો શું હવે ભારત બનશે ગ્લોબલ ઇકોનોમીનું લિડર?
BYD તેની ઓછી કિંમતની ઇલેક્ટ્રિક કારના પ્રચાર અને પ્રસારને કારણે છેલ્લા ક્વાર્ટરમાં ટેસ્લાને પાછળ છોડીને સૌથી વધુ સંખ્યામાં EV વિક્રેતા ધરાવતી કંપની બની હતી. ટેસ્લાએ ગયા વર્ષે તેની ઇલેક્ટ્રિક કારના ભાવમાં ઘટાડો કર્યો હતો, પરંતુ તે BYDથી પાછળ રહી ગઈ હતી. આ સિવાય ટેસ્લાના માર્જિન પર પણ અસર થઈ છે. મસ્કે જણાવ્યું કે ચીનની ઓટોમોબાઈલ કંપનીઓને સખત સ્પર્ધાનો સામનો કરવો પડશે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
https://whatsapp.com/channel/0029Va9Pzs50gcfLWGaYSv35
