Earthquake / ગુજરાતમાં ફરી ભૂકંપ, સૌરાષ્ટ્રમાં 6 દિવસમાં બીજો આંચકો અનુભવાયો

Earthquake in Gujarat: અમરેલી જિલ્લામાં રવિવારે ભૂકંપનો આંચકો આવ્યો હતો. ભૂકંપની તીવ્રતા રિક્ટર સ્કેલ પર 3.1 નોંધાઈ હતી. સૌરાષ્ટ્રમાં 6 દિવસમાં બીજો ભૂકંપનો આંચકો અનુભવાયો છે. જો કે તિવ્રતા ઓછી હોવાથી કોઇ નુકશાની થયાનું બહાર આવ્યુ નથી.

ગુજરાતમાં ફરી રવિવારે ભૂકંપનો આંચકો આવ્યો છે. રવિવારે અમરેલી જિલ્લામાં ભૂકંપનો આંચકો આવ્યો હતો. ભૂકંપની તીવ્રતા રિક્ટર સ્કેલ પર 3.1 નોંધાઈ હતી. જોકે કોઈ જાનહાનિ કે સંપત્તિને નુકસાન થયાના અહેવાલ નથી.

આંચકાથી લોકોમાં ગભરાટ ફેલાયો હતો, જે પોતાના ઘરોમાંથી બહાર દોડી આવ્યા હતા. સ્થાનિક અધિકારીઓએ જણાવ્યું હતું કે કોઈ જાનહાનિ થઈ નથી. ગાંધીનગર સ્થિત સિસ્મોલોજીકલ રિસર્ચ ઇન્સ્ટિટ્યૂટ અનુસાર ભૂકંપ સાંજે 4:10 વાગ્યે નોંધાયો હતો. ભૂકંપનું કેન્દ્ર અમરેલીથી લગભગ 42 કિલોમીટર દક્ષિણ-દક્ષિણપૂર્વમાં 11.6 કિલોમીટરની ઊંડાઈએ હતું.

આ પણ વાંચોઃ ક્રાઈમ / ભાવનગરના વાળુકડમાં જાહેરમાં યુવકની હત્યા, પોલીસ તપાસ શરૂ

ભૂકંપથી કોઈને ઈજા થઈ નથી કે સંપત્તિને નુકસાન થયું નથી. ગત મંગળવારે સૌરાષ્ટ્ર ક્ષેત્રના રાજકોટ જિલ્લામાં પણ 3.2 ની તીવ્રતાનો આવો જ ભૂકંપનો આંચકો આવ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ