મહત્વનો નિર્ણય / દૂધસાગર ડેરીએ ફેટના ભાવમાં કર્યો આટલા રૂપિયાનો વધારો, દૂધ ઉત્પાદકોને થશે કરોડોનો ફાયદો

ઉત્તર ગુજરાતની સૌથી મોટી દૂધસાગર ડેરીએ ફેટનાં ભાવમાં વધારો કર્યો છે. દૂધનાં ફેટનાં ભાવમાં પ્રતિકિલોએ 10 રૂપિયાનો વધારો કરવામાં આવ્યો છે. ભાવ વધારો કરાતા ફેટનો ભાવ પ્રતિકિલોએ રુા. 820 થયો હતો. ત્યારે આ ભાવ વધારો પહેલી એપ્રિલથી લાગુ થશે. 

ગત જુલાઈ માસમાં પશુપાલકો માટે ફેટમાં વધારો જાહેર કરાયો હતો
મહેસાણાની દૂધસાગર ડેરી દ્વારા ફરી એક વખત ખેડૂતો માટે મોટી જાહેરાત કરી છે. જેમાં દૂધસાગર ડેરીએ  એપ્રિલ મહિનો શરુ થાય તે પહેલા જ પશુપાલકોને મોટી ભેટ આપી છે. ત્યારે ગત જુલાઈ માસમાં જ દૂધસાગર ડેરીએ પશુપાલકો માટે ફેટ દીઠ 10 રુપિયાનો વધારો જાહેર કર્યો હતો. ત્યાકે એક વર્ષ બાદ ફરી ડેરીએ પશુપાલકો માટે રુા. 10 નો વધારો જાહેર કરતા હવે પશુ પાલકોને પ્રતિકિલો રુ. 820 નો ભાવ મળશે. 

વધુ વાંચોઃ પદ્મિનીબાએ કહ્યું 'સમાજે જયરાજભાઇને એવો કોઇ હક નથી આપેલો કે...', પરષોત્તમ રૂપાલાના વિવાદ બાદ હવે ક્ષત્રિય સમાજમાં જ મતમતાંતર?

13 મી વખત પશુપાલકોને દૂધનાં ભાવમાં વધારો
દૂધ સાગર ડેરીએ દૂધનાં ભાવમાં રુ. 10 નો વધારાથી દૂધ ઉત્પાદકોને વાર્ષિક 42 કરોડ રુપિયાનો ફાયદો  થશે. અશોક ચૌધરીનાં ત્રણ વર્ષનાં શાસનમાં 13 મી વખત પશુપાલકોને દૂધનાં ભાવમાં વધારો આપવામાં આવ્યો છે. ત્યારે અશોક ચૌધરી ડેરીનાં ચેરમેન બન્યા ત્યારે દૂધનાં ભાવ રુ. 650 હતા. જે તબક્કાવાર વધારીને 820 કરાયા છે. અશોક ચૌધરીનાં ત્રણ વર્ષનાં સમયમાં દૂધનાં ભાવમાં રુ. 170 નો વધારો થયો છે. ચેરમેન અશોક ચૌધરીનાં સમયગાળા દરમ્યાન દૂધનાં ભાવમાં રુ. 170નો વધારો થવાનાં કારણે વાર્ષિક 725 કરોડ રુપિયા વધારાનાં દૂધ ઉત્પાદકોને મળશે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો