અમદાવાદ ક્રાઈમ બ્રાંચના ગેટ પાસે 5 દિવસ પહેલાં મહિલા ડૉક્ટર વૈશાલી જોશીએ આપઘાત કર્યો હતો. આ ઘટનાના છઠ્ઠા દિવસે અમદાવાદ પોલીસ વૈશાલી જોશીના વતન ડેભારી ખાતે પહોંચી હતી. ડેભારીમાં પોલીસે વૈશાલી જોશીના પરિવારજનોના નિવેદન લીધા હતા.
અમદાવાદ પોલીસ પહોંચી ડેભારી
વૈશાલી પાસેથી મળેલી સ્યૂસાઈડ નોટ વૈશાલીના પરિવારજનોને વંચાવી હતી. ત્યારે હવે વૈશાલીનો પરિવાર સાસાજિક આગેવાનો અને પરિવારજનો સાથે ચર્ચા કરીને PI ખાચર વિરુદ્ધ ફરિયાદ નોંધાવશે. ઉલ્લેખનીય છે કે, વૈશાલીના આપઘાત બાદ એક સ્યૂસાઈડ નોટ મળી હતી. જેમાં PI ખાચરના નામનો ઉલ્લેખ હતો. આ ઘટના બન્યા બાદ PI ખાચર પણ ફરાર છે. જેથી મૃતકના પરિવારજનો PI ખાચર વિરુદ્ધ ફરિયાદ નોંધાવશે.
પોલીસે અગાઉ 8 લોકોના નિવેદન લીધા હતા
મહિલા તબીબના આપઘાત કેસમાં પોલીસ તપાસ શરૂ કરી છે. પોલીસે અત્યાર સુઘી 8 લોકોના નિવેદન લીધા હતા. જેમાં મહિલા ડોક્ટરના રૂમમેટ અને સહકર્મીઓની પણ પૂછપરછ કરાઈ હતી. PI ખાચર અને મહિલા તબિબનો ઇન્સ્ટાગ્રામ પર પરિચય થયો હતો. અત્રે જણાવીએ કે, છેલ્લા 5 વર્ષથી તેઓ પ્રેમ સબંધ હતો. ખાચરએ 6 માસ પહેલા સંબધ તોડી નાખતા મહિલા તેમનો સંપર્ક કરી રહી હતી.
વાંચવા જેવું: 'કડીમાં કોણ ચાલે અને ન ચાલે તે તમને નહીં મને ખબર' નીતિન પટેલનું સૂચન નિવેદન
જાણો સમગ્ર મામલો
અમદાવાદમાં ક્રાઈમ બ્રાંચ પરિસરમાં ર્ડાક્ટર વૈશાલી જોશીએ આપઘાત કરી લેતા ચકચાર મચી જવા પામી હતી. મૃતક ર્ડાક્ટરનાં પર્સમાંથી 15 પેજની સ્યુસાઈડ નોટ મળી આવી હતી. જેમાં ક્રાઈમ બ્રાંચનાં પીઆઈ બી.કે.ખાચર વિરૂદ્ધ આક્ષેપ કરવામાં આવ્યા હતા. તેમજ પીઆઈ ખાચરથી કંટાળી યુવતીએ જીવન ટૂંકાવ્યું હોવાનો આક્ષેપ કરવામાં આવ્યો હતા. ત્યારે આર્થિક ગુના નિવારણ શાખામાં ફરજ બજાવતા પીઆઈ તેમજ મૃતક વચ્ચે પ્રેમ સબંધ હોવાનું જાણવા મળી રહ્યું છે. વૈશાલીબેનની મુલાકાત અને આપઘાત બાબતને લઈ પોલીસ દ્વારા મૌન સેવવામાં આવી રહ્યું છે. પોસ્ટમોર્ટમ બાદ આપઘાતનું સાચુ કારણ જાણવા મળી શકે છે. ત્યારે હાલ તો ગાયકવાડ હવેલી પોલીસે અકસ્માતે મોતનો ગુનો નોંધી તપાસ હાથ ધરી છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
