ગર્વ છે / UPSCના ચેરમેન પદે નિયુક્ત થનારા પ્રથમ ગુજરાતી ડૉ. મનોજ સોની, ત્રણ વખત રહી ચૂક્યા છે કુલપતિ

• UPSCના ચેરમેન પદે ડૉ. મનોજ સોનીની નિયુક્તિ
• પૂર્વ ચેરમેન પ્રદીપ કુમાર જોશીની જગ્યા કરાઈ નિમણૂંક
• રાષ્ટ્રપતિના વિદેશ પ્રવાસ બાદ થશે કાયમી નિયુક્તિ

Union Public Service Commissionના ચેરમેન પદે નિયુક્ત થનારા પહેલા ગુજરાતી બન્યા ડૉ. મનોજ સોની. તેઓ પૂર્વ ચેરમેન પ્રદીપ કુમાર જોશીની જગ્યા લેશે. તેમનો કાર્યકાળ 27 જૂન 2023 સુધી રહેશે.

A proud moment for the University!

Dr. Manoj Soni, University's former Vice-Chancellor (2005-2008), has been appointed as Chairman of the Union Public Service Commission (UPSC). MSUB Pariwar wishes him great success in his new responsibilities. pic.twitter.com/vWpgoAXtiB

— The Maharaja Sayajirao University of Baroda (@Themsubaroda) April 8, 2022

ડૉ. મનોજ સોની કોણ છે અને તેનો શું હતો કાર્યકાળ ?

17 ફેબ્રુઆરી 1964ના રોજ મનોજ સોનીનો જન્મ થયો હતો અને હાલ તેઓ UPSCના સભ્ય છે. ડૉ. મનોજ સોની ત્રણ વખત કુલપતિ રહ્યા છે. જેમાં ડૉ. બાબાસાહેબ આંબેડકર ઓપન યુનિવર્સિટીના કુલપતિ તરીકે 2 કાર્યકાળ અને મહારાજા સયાજીરાવ યુનિવર્સિટી વડોદરાના કુલપતિ તરીકે એક કાર્યકાળ સામેલ છે. જ્યારે ડૉ.સોનીએ મહારાજા સયાજીરાવ વિશ્વવિદ્યાલય વડોદરાનો કાર્યભાર સંભાળ્યો, તો તેઓ ભારત અને મહારાજા સયાજીરાવ યુનિવર્સિટીના સૌથી નાની ઉંમરના કુલપતિ હતા.

ચેરમેન તરીકે ડૉ. મનોજ સોનીની નિયુક્તિ ભારતના રાષ્ટ્રપતિ રામનાથ કોવિંદની નેધરલેન્ડનો પ્રવાસ પૂર્ણ થયા બાદ થશે. ડૉ. સોનીને અનેક પુરસ્કાર અને સન્માન મળ્યા છે. રાજકીય વિજ્ઞાનના વિદ્વાન ડૉ.સોનીએ 1991 અને 2016ની વચ્ચે સરદાર પટેલ યુનિવર્સિટી, વલ્લભ વિદ્યાનગરમાં આતંરરાષ્ટ્રીય સંબંધ અભ્યાસમાં વિશેષજ્ઞતાની સાથે આંતરરાષ્ટ્રીય સંબંધોનું અધ્યયન કર્યું છે. 

તેમણે ભૂતકાળમાં ઉચ્ચ શિક્ષા અને લોક પ્રશાસનના કેટલાક સંસ્થાનોના શાસન બોર્ડોમાં કામ કર્યું છે. તેઓ ગુજરાત વિધાનસભા અધિનિયમ દ્વારા રચાયેલા અર્ધ-ન્યાયિક ચૂંટણીના સભ્ય પણ હતા.