7 ફોટો ગેલેરી

ધર્મ / નોરતામાં વ્રત રાખનાર ડાયાબિટીસના દર્દીઓ આટલું કામ જરુરથી કરજો, સુગર રહેશ કન્ટ્રોલમાં

Last Updated: 07:32 AM, 12 October 2026

FOLLOW ON

શેર કરો

નવરાત્રિમાં ઘણા લોકો નવ દિવસ માતાજીની ભક્તિ સાથે વ્રત રાખે છે પરંતુ ડાયાબિટીસના દર્દીઓ માટે ઉપવાસ રાખવો કેટલો યોગ્ય છે? વ્રત દરમિયાન સુગર વધી ન જાય કે ઘટી ન જાય તે માટે કઈ બાબતોનું ધ્યાન રાખવું જોઈએ તે જાણી લો.

1/7

1. શું ડાયાબિટીસના દર્દીઓ નોરતામાં રાખી શકે વ્રત?

ડાયાબિટીસના દર્દીઓ માટે નવરાત્રિ દરમિયાન વ્રત રાખવું કેટલું યોગ્ય છે અને વ્રતથી બ્લડ શુગર પર કેવી અસર પડે છે તે જાણવું જરૂરી છે. કેટલીક સાવચેતી રાખીને સ્વાસ્થ્યનું ધ્યાન રાખી શકાય છે, પરંતુ વ્રત રાખતાં પહેલાં ડૉક્ટરની સલાહ લેવી ખૂબ જરૂરી છે.

આ તસવીર શેર કરો

2/7

2. ડાયાબિટીસના દર્દીઓ વ્રત રાખી શકે કે નહીં?

નવરાત્રિમાં ઘણા લોકો નવ દિવસ ઉપવાસ કરે છે, પરંતુ ડાયાબિટીસના દર્દીઓએ વ્રત રાખતાં પહેલાં પોતાની તબિયત અને બ્લડ શુગરના સ્તરનું ધ્યાન રાખવું જોઈએ. દરેક દર્દી માટે વ્રતની અસર સરખી હોતી નથી. ખાસ કરીને ઇન્સ્યુલિન અથવા બ્લડ શુગર ઘટાડવાની દવા લેતા દર્દીઓએ વધુ સાવચેતી રાખવી જોઈએ. વ્રત રાખવું સુરક્ષિત છે કે નહીં તે નક્કી કરવા માટે ડૉક્ટરની સલાહ લેવી જરૂરી છે.

આ તસવીર શેર કરો

3/7

3. ડાયાબિટીસની બીમારીને હળવાશથી ન લો

ડાયાબિટીસ એવી સ્થિતિ છે જેમાં લોહીમાં ગ્લુકોઝનું પ્રમાણ વધી જાય છે. સામાન્ય રીતે ઇન્સ્યુલિન નામનો હોર્મોન ગ્લુકોઝને શરીરના કોષો સુધી પહોંચાડવામાં મદદ કરે છે, જેથી શરીરને ઊર્જા મળે. પરંતુ ડાયાબિટીસમાં શરીર પૂરતું ઇન્સ્યુલિન બનાવી શકતું નથી અથવા તેનો યોગ્ય ઉપયોગ કરી શકતું નથી. લાંબા સમય સુધી બ્લડ શુગર કન્ટ્રોલમાં ન રહે તો હૃદય, કિડની, આંખો અને નસોને નુકસાન થવાનું જોખમ વધી શકે છે.

આ તસવીર શેર કરો

4/7

4. વ્રતથી બ્લડ શુગર પર શું અસર થઈ શકે?

વ્રત દરમિયાન લાંબા સમય સુધી ખોરાક ન લેવાથી શરીરની ઊર્જા મેળવવાની પ્રક્રિયામાં ફેરફાર થાય છે. કેટલાક અભ્યાસોમાં ઉપવાસથી ઇન્સ્યુલિનની સંવેદનશીલતા સુધરવા, વજન કન્ટ્રોલમાં રાખવા અને બ્લડ શુગર ઘટાડવામાં મદદ મળતી હોવાનું જોવા મળ્યું છે. જોકે ડાયાબિટીસના દર્દીઓમાં બ્લડ શુગર ખૂબ ઓછું થવું (હાઇપોગ્લાઇસેમિયા) અથવા વધી જવું (હાઇપરગ્લાઇસેમિયા) જેવા જોખમ પણ રહે છે. ગંભીર સ્થિતિમાં ડિહાઇડ્રેશન અને ડાયાબિટીક કીટોએસિડોસિસનું જોખમ વધી શકે છે.

આ તસવીર શેર કરો

5/7

5. વ્રત દરમિયાન આ બાબતોનું ધ્યાન રાખો

ડાયાબિટીસના દર્દીઓએ વ્રત દરમિયાન ડૉક્ટરની સલાહ પ્રમાણે નિયમિત બ્લડ શુગર તપાસવું જોઈએ. લાંબા સમય સુધી ભૂખ્યા રહેવાને બદલે ડૉક્ટરે સૂચવેલા સમય અને પ્રમાણ પ્રમાણે ખોરાક લેવો જોઈએ. ફરાળમાં સાબુદાણા, બટાકા અને મીઠાઈ જેવી કાર્બોહાઇડ્રેટથી ભરપૂર વસ્તુઓનું પ્રમાણ ધ્યાનમાં રાખવું જરૂરી છે. સાથે પૂરતું પાણી પીવું અને શરીરમાં પાણીની ઊણપ ન થવા દેવી જોઈએ. દવા કે ઇન્સ્યુલિનના પ્રમાણમાં પોતાની રીતે ફેરફાર કરવો નહીં.

આ તસવીર શેર કરો

6/7

6. બ્લડ શુગર કન્ટ્રોલમાં રાખવા શું કરવું?

વ્રત દરમિયાન ખોરાક, પાણી, દવા અને બ્લડ શુગરની નિયમિત તપાસનું આયોજન કરવું જરૂરી છે. ફળ, દહીં, મખાણા અને અન્ય યોગ્ય પોષક વસ્તુઓમાંથી ડૉક્ટર અથવા ડાયટિશ્યનના માર્ગદર્શન પ્રમાણે આહાર પસંદ કરી શકાય છે. જો ધ્રૂજારી, પરસેવો, ચક્કર, અચાનક નબળાઈ કે ગૂંચવણ અનુભવાય તો બ્લડ શુગર તપાસો અને તાત્કાલિક યોગ્ય પગલાં લો. બ્લડ શુગર ખૂબ ઓછું કે વધારે હોય અથવા ગંભીર લક્ષણો દેખાય તો વ્રત ચાલુ રાખવાનો આગ્રહ ન રાખવો અને તબીબી મદદ લેવી.

આ તસવીર શેર કરો

7/7

7. DISCLAIMER

આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.

આ તસવીર શેર કરો

સંકળાયેલા મુદ્દાઓ

Diabetes Diet Diabetes Navratri Fasting Blood Sugar Control