સ્પોર્ટ્સ / INDvsSA: ભારતની હાર થવા છતાં વિરાટ કોહલીએ સર્જ્યો ઈતિહાસ, બન્યો આવું કરનાર વિશ્વનો પ્રથમ બેટ્સમેન

Last Updated: 09:45 AM, 29 December 2023

FOLLOW ON

શેર કરો

વિરાટ કોહલી એક કેલેન્ડર વર્ષમાં સૌથી વધુ 7 વખત 2000 રન બનાવનાર પ્રથમ બેટ્સમેન બની ગયો છે. તેણે આ મામલે શ્રીલંકાના પૂર્વ કેપ્ટન કુમાર સંગાકારાને પાછળ છોડી દીધો છે. તેણે આ કારનામું 6 વખત કર્યું હતું.

વિરાટ કોહલીએ વધુ એક સિદ્ધિ પોતાના નામે કરી
2023માં 2000 ઇન્ટરનેશનલ રનનો આંકડો પાર કર્યો
કેલેન્ડર વર્ષમાં સૌથી વધુ 7 વખત 2000 થી વધુ રન કર્યા
શ્રીલંકાના ભૂતપૂર્વ કેપ્ટન કુમાર સંગાકારાને પાછળ છોડ્યો

સેન્ચુરિયન ટેસ્ટમાં ભારતને દક્ષિણ આફ્રિકાના હાથે ઇનિંગ્સ અને 32 રનથી શરમજનક હારનો સામનો કરવો પડ્યો હતો. આ હાર છતાં ટીમ ઈન્ડિયાનો સ્ટાર બેટ્સમેન વિરાટ કોહલી ઈતિહાસ રચવામાં સફળ રહ્યો. કિંગ કોહલીએ યજમાન ટીમ સામે બીજી ઇનિંગમાં 76 રન બનાવ્યા હતા, આ ઇનિંગના આધારે તે ફરી એકવાર વર્ષ 2023માં 2000 ઇન્ટરનેશનલ રનનો આંકડો પાર કરવામાં સફળ રહ્યો હતો. વિરાટ કોહલીએ હવે એક કેલેન્ડર વર્ષમાં સૌથી વધુ 7 વખત 2000 થી વધુ આંતરરાષ્ટ્રીય રન બનાવવાનો વર્લ્ડ રેકોર્ડ બનાવ્યો છે. આ બાબતમાં, ભારતીય રન મશીને શ્રીલંકાના ભૂતપૂર્વ કેપ્ટન કુમાર સંગાકારાને હરાવ્યો છે, જેણે તેની કારકિર્દીમાં 6 વખત આ સિદ્ધિ મેળવી હતી.

વિરાટ કોહલીએ બનાવ્યો શાનદાર વર્લ્ડ રેકોર્ડ, સચિન તેંડુલકરનો પણ છોડ્યો પાછળ, વિશ્વ ક્રિકેટમાં હલચલ | virat kohali records for most century after 500 international match ...

વાંચવા જેવું : મેચ કે મજા / VIDEO : મેચ જોવા આવેલા કપલે સ્ટેડિયમમાં રોમાન્સ ચાલુ કરી દેતા ખેલાડીઓ શરમાયા, વીડિયો વાયરલ

એક કેલેન્ડર વર્ષમાં સૌથી વધુ 2000 રન બનાવનાર બેટ્સમેન

વિરાટ કોહલી- 7*
કુમાર સંગાકારા- 6
મહેલા જયવર્દને - 5
સચિન તેંડુલકર - 5
જેક કાલિસ - 4

કેપ્ટનશિપ છોડવા મામલે પહેલીવાર કોહલીએ તોડ્યું મૌન, ધોનીનું નામ લઈને આપ્યું મોટું નિવેદન | virat kohli on test captaincy decision

કોહલીના નામે એક શરમજનક રેકોર્ડ

કોહલીએ પ્રથમ વખત 2012 માં એક કેલેન્ડર વર્ષમાં 2000 આંતરરાષ્ટ્રીય રન બનાવવાની સિદ્ધિ હાંસલ કરી હતી, આમ કરનાર છઠ્ઠો ભારતીય બેટ્સમેન બન્યો હતો. આ પછી તેણે 2014, 2016, 2017, 2018, 2019 અને હવે 2023માં આ સિદ્ધિ મેળવી છે. વિરાટ કોહલી હાલમાં ભારત માટે એક કેલેન્ડર વર્ષમાં સૌથી વધુ 2818 આંતરરાષ્ટ્રીય રન બનાવવાનો રેકોર્ડ ધરાવે છે. તેણે 2017માં આ કારનામું કર્યું હતું. 2818 રન બનાવવા માટે, તેણે 46 મેચ રમી જેમાં તેની એવરેજ 68.73 હતી, જ્યારે તે વર્ષે તેણે તેના બેટથી 11 સદી અને 10 અડધી સદી ફટકારી હતી. જોકે, સાઉથ આફ્રિકા સામેની સેન્ચુરિયન ટેસ્ટમાં કોહલીના નામે એક શરમજનક રેકોર્ડ પણ જોડાયો હતો. વર્લ્ડ ટેસ્ટ ચેમ્પિયનશિપના ઈતિહાસમાં ભારતની હારમાં સૌથી વધુ રન બનાવવાનો આ રેકોર્ડ છે. કોહલીએ WTCમાં અત્યાર સુધીમાં કુલ 2177 રન બનાવ્યા છે, જેમાંથી 669 રન તેના બેટથી ભારતની હારમાં આવ્યા છે. આ રેકોર્ડ અગાઉ ચેતેશ્વર પૂજારાના નામે હતો.

વાંચવા જેવું : ક્રિકેટ / સેંચુરિયન ટેસ્ટમાં ટીમ ઈન્ડીયાનો કારમો પરાજય, સીરિઝ જીતવાનું સપનું તૂટ્યું, આ રહ્યાં હારના મોટા કારણ