પ્રતિક્રિયા / સનાતનના વિરોધના કારણે થયો પરાજય? ખુદ કોંગ્રેસ પાર્ટીના નેતાએ જ આપ્યું મોટું નિવેદન, હારના બે કારણ આપ્યા

• ત્રણ રાજ્યની વિધાનસભા ચૂંટણી પરિણામો ભાજપ માટે ખુશીઓ લાવી
• કોંગ્રેસના ખરાબ પ્રદર્શન પર પાર્ટી નેતાઓની પ્રતિક્રિયાઓ આવવા લાગી 
• કોંગ્રેસના નેતા આચાર્ય પ્રમોદ ક્રિષ્નમે પાર્ટીની હારના કારણો સમજાવ્યા 

ચાર રાજ્યોની વિધાનસભા ચૂંટણીના પરિણામોમાંનથી ત્રણ રાજ્યની વિધાનસભા ચૂંટણી પરિણામો ભાજપ માટે ખુશીઓ લાવી તો કોંગ્રેસ માટે નિરાશાઓ લાવી છે. એવામાં હવે કોંગ્રેસના ખરાબ પ્રદર્શન પર પાર્ટી નેતાઓની પ્રતિક્રિયાઓ પણ આવવા લાગી છે. વિધાનસભા ચૂંટણી પરિણામો વિશે મીડિયા સાથે વાત કરતાં કોંગ્રેસના નેતા આચાર્ય પ્રમોદ ક્રિષ્નમે પાર્ટીની હારના કારણો સમજાવ્યા હતા. 

સનાતનના વિરોધના કારણે હારી કોંગ્રેસ?#ElectionResults #AssemblyElections2023 #VTVGujarati #ElectionResultsWithVTV pic.twitter.com/JR6u7blTLx

— VTV Gujarati News and Beyond (@VtvGujarati) December 3, 2023

આચાર્ય પ્રમોદ ક્રિષ્નમે બેફામપણે કહ્યું કે મધ્યપ્રદેશ, રાજસ્થાન અને છત્તીસગઢમાં કોંગ્રેસની હાર દર્શાવે છે કે આ દેશ સનાતનનો વિરોધ સહન નહીં કરે. વળી, જ્ઞાતિવાદની યુક્તિ હવે નહીં ચાલે. એ વાત તો નોંધનીય જ છે કે કોંગ્રેસે આ ચૂંટણીઓમાં જાતિવાદ પર મોટો દાવ રમ્યો હતો. સત્તામાં આવ્યા બાદ જાતિ ગણતરીનું વચન આપ્યું હતું. તે જ સમયે, અશોક ગેહલોતના મુખ્યમંત્રી તરીકેના કાર્યકાળ દરમિયાન રાજસ્થાનમાં ઘણી સાંપ્રદાયિક ઘટનાઓ બની હતી, જેના પરિણામો ચૂંટણીમાં જોવા મળ્યા હતા. 

આચાર્ય પ્રમોદ ક્રિષ્નમે વધુમાં કહ્યું કે, કોંગ્રેસે હવે મંગળ પર નહીં પણ મહાત્મા ગાંધીના બતાવેલા માર્ગ પર ચાલવું જોઈએ. મહત્વનું છે કે આચાર્ય પ્રમોદ કૃષ્ણમ અગાઉ પણ સનાતનના મુદ્દે પાર્ટીના વલણનો વિરોધ કરી ચૂક્યા છે. સત્તાની સેમીફાઈનલમાં કોંગ્રેસ ખરાબ રીતે હારી ગઈ છે. 

મધ્યપ્રદેશમાં લગભગ 49 ટકા મતો સાથે, ભાજપ મોટી જીત તરફ આગળ વધી રહી છે. 
રાજસ્થાન દર પાંચ વર્ષે સત્તા પરિવર્તન ચાલુ, ભાજપની સરકાર બનશે 
છત્તીસગઢઃ ભાજપને અપેક્ષા કરતાં વધુ મત મળ્યા. આશ્ચર્યની વાત એ છે કે કોંગ્રેસ હાર તરફ આગળ વધી રહી છે. 
તેલંગાણાઃ રાજ્યની રચના બાદ પહેલીવાર કોંગ્રેસ સરકાર બનાવતી જોવા મળી રહી છે.