ચિંતા / ગુજરાતમાં ચાંદીપુરા બાદ હવે આ બીમારીનો કેર, 5થી વધુ બાળકો ભોગ બન્યાં, 42 હજારનું તો એક ઈન્જેક્શન

ગુજરાતમાં હજુ ચાંદીપુરા કેર મચાવી રહ્યો તેની વચ્ચે બીજી એક બીમારી સામે આવી છે. મહીસાગર જિલ્લામાં ગિલેન બારે સિન્ડ્રોમ (GBS) નામની બીમારીએ દેખા દીધી છે. લુણાવાડાની જયશ્રી નગર સોસાયટી નજીક 3 બાળકો તેની ચપેટમાં આવ્યાં છે. તો આદર્શમાં અભ્યાસ કરતા 5 થી વધુ બાળકોને પણ આ રોગ થયો છે.

ધોરણ 3માં ભણતા બાળકનું મોત

GBSના કારણે આદર્શમાં ધોરણ 3માં અભ્યાસ કરતા દેવરાજ મછારનું થોડા દિવસ પહેલા મોત થયું છે. આ પછી લુણાવાડા આરોગ્ય વિભાગ અને નગરપાલિકા ઊંઘતું ઝડપાયું હતું.

સ્કૂલમાં ભણતાં છોકરાઓમાં દેખાયા લક્ષણો

છેલ્લા એક અઠવાડિયાથી આદર્શમાં અભ્યાસ કરતા બાળકોમાં લક્ષણો દેખતા લોકોમાં ભય વ્યાપ્યો છે. બાળકોમાં ફેલાઈ રહેલી આ બીમારીને લઈને વાલીઓમાં ચિંતા ફેલાઈ છે.

42 હજારમાં મળે છે એક ઈન્જેક્શન

GBSની સારવાર સૌથી ખર્ચાળ છે જેના એક ઇજેક્શનની કિંમત 22 હજારથી લઈ 42 હજાર છે

લક્ષણો

1. શરીરમાં નબળાઈ
2. પગ અને હાથની આંગળીઓ ખાલી ચડવી
3. લકવા જેવી સ્થિતિ
4. સ્નાયુઓનું નિયંત્રણ ઘટે
5. ગળામાં તકલીફ
6. શ્વાસ લેવામાં તકલીફ
7. ચાલવા અને બેસવામાં નબળાઈ

વધુ વાંચો : 'આત્મા તો પહેલા મરી ગયો, આજે હું પણ’ વીડિયો બનાવીને સગીરાએ સાબરમતી રિવરફ્રન્ટ પર નદીમાં લગાવી છલાંગ

મહારાષ્ટ્રમાં 12 લોકોના મોત

ઉલ્લેખનીય છે કે મહારાષ્ટ્રમાં આ બીમારીને કારણે અત્યાર સુધીમાં 12 લોકોના મોત થયા છે. જેમાંથી છ લોકોના મોતનું કારણ આ રોગ હોવાનું પુષ્ટિ મળી છે. નોંધાયેલા 225 કેસમાંથી 179 દર્દીઓ સ્વસ્થ થયા છે અને તેમને હોસ્પિટલમાંથી રજા આપવામાં આવી છે. 24 દર્દીઓ હજુ પણ ICUમાં છે, જ્યારે 15 દર્દીઓની હાલત વધુ ખરાબ છે અને તેઓ વેન્ટિલેટર પર છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ