ક્રાઈમ / 'આત્મા તો પહેલા મરી ગયો, આજે હું પણ’ વીડિયો બનાવીને સગીરાએ સાબરમતી રિવરફ્રન્ટ પર નદીમાં લગાવી છલાંગ

અમદાવાદના સાબરમતી રિવરફ્રન્ટ પર એક દુઃખદ ઘટના સામે આવી છે. નારોલમાં રહેતી 17 વર્ષની સગીરાએ સાબરમતી રિવરફ્રન્ટ પર નદીમાં કૂદીને આપઘાત કર્યો હતો. મૃતક સગીરાના 6 મહિના અગાઉ લગ્ન થયા હતા. આપઘાત પહેલા સગીરાએ પતિને ઉદ્દેશીને વીડિયો બનાવ્યો હતો અને પછી બહેનને મોકલી દીધો ત્યાર બાદ નદીમાં 'મોત'ની છલાંગ લગાવી દીધી હતી.

વીડિયો બનાવીને નદીમાં લગાવી છલાંગ

સગીરાએ રિવરફ્રન્ટ પર જઈને એક વીડિયો બનાવ્યો જેમાં તેણે પતિને લખીને કહ્યું કે આત્મા તો પહેલા મરી ગયો હતો આજે હું પણ મરી જઈશ અને આટલું કહીને તેણે નદીમાં છલાંગ લગાવી દીધી હતી.

'તું જેમ કહીશે તેમ રહીશ મને આવવા દે'

સગીરાએ પિયરમાં રહીને પતિ ફરદીને ફોન કરીને આજીજી કરી હતી કે તું જેમ કહે તેમ હું રહેવા તૈયાર છું પણ મને આવવા દે તેમ છતા પણ ફરદીનનું હૃદય પીગળ્યુ નહોતું. આથી ખૂબ લાગી આવતાં તેણે મોતને વ્હાલું કર્યું હતું.

શું હતું આપઘાતનું કારણ?

સનોફરબાનુંએ પ્રેમલગ્ન કર્યાં હતા અને પ્રેમલગ્ન બાદ પતિ ફરદીન શેખ શારીરિક અને માનસિક રીતે ખૂબ ત્રાસ આપતો હતો. આથી કંટાળીને તેને મોતને વ્હાલું કરવાની ફરજ પડી હતી. પતિએ ઘરમાંથી કાઢી મૂકી હતી.

વધુ વાંચો : VIDEO : પ્રેમી યુગલો સ્વર્ગમાં સરી પડશે! સાપુતારા સોળે કળાએ ખીલી ઉઠ્યું, જુઓ અદ્દભુત નજારો

પતિ સામે ગુનો દાખલ

પોલીસે પતિ ફરદીન શેખ સામે દુષ્પ્રેરણ અંગે BNS કલમ 108 મુજબ ગુનો દાખલ કર્યો છે પતિની ધરપકડ થઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ