દરિયાદેવ / ગુજરાતના આ સમાજમાં ભર ચોમાસે ઢીંગલા-ઢીંગલીના લગ્નનો રિવાજ, અનોખી પરંપરા પાછળ છે કારણ

લગ્નનો માહોલ કેવો હોય છે તે આપણે સૌકોઈ જાણીએ છીએ. પરંતુ ભર ચોમાસે લગ્ન અને તે પણ યુવક-યુવતીના નહીં. પરંતુ ઢીંગલા-ઢીંગલી લગ્ન થતાં હોય તેવું સાંભળ્યું છે. નહીં સાંભળ્યું કે, જોયું હોય... ચાલો વિગતે જણાવીએ

માછી સમાજના અનોખા લગ્ન

ડીજેનો તાલ છે...જાનૈયાઓ થનગની રહ્યા છે. વરરાજા ઘોડા પર સવાર થઈ ચૂક્યા છે. પરંતુ ઘોડા પર સવાર વરરાજા જોઈને ચોંકી જવાય. કારણ કે, ઘોડા પર તો એક બાળક બેઠો હોય છે અને તેના હાથમાં એક ઢીંગલો છે. આ વાત વાંચીને વરરાજા કોણ તેવા સવાલ થાય છે..? તો આપને જણાવી દઈએ કે, એક ઢીંગલો ઘોડા પર બેઠો હોય છે તે જ વરરાજા હોય છે..જે વાત સંઘપ્રદેશ દમણની છે. જ્યાં માછી સમાજમાં વર્ષોથી ઢીંગલા-ઢીંગલીના લગ્નની પરંપરા છે. દમણમાં માછી સમાજની 18 જેટલી શેરીઓમાં લોકો પોતાના ઘરે ઢીંગલા-ઢીંગલીના લગ્ન કરે છે. જેને દેવ લગ્ન પણ કહેવામાં આવે છે. દર વર્ષની જેમ આ વર્ષે પણ ઉજવણી કરવામાં આવી હતી. જેમાં મોટી સંખ્યામાં લોકો ઉમટ્યા હતા.

આ પણ વાંચો: દિવસ હોય કે રાત! ગુજરાતમાં રેસ્ક્યૂ ટીમોએ લોકોએ સાથે અબોલ જીવના પણ બચાવ્યા જીવ, VIDEOS દમદાર

માછીમારો વિઘ્નમાં ન મુકાય તે માટે અનોખા લગ્ન

એવું કહેવાય છે કે, હાલના સમયમાં માછીમારોનું વેકેશન ચાલી રહ્યું છે. અષાઢ મહિનાની એકાદશીના દિવસે ઢીંગલા-ઢીંગલીના લગ્ન કર્યા પછી જ માછી સમાજમાં લગ્નની શરૂઆત થતી હોય છે. ઢીંગલા-ઢીંગલીના લગ્ન માટે માછી સમાજની બહેનો 15 દિવસથી તૈયારી કરે છે અને લગ્નની તમામ વિધિઓ કરવામાં આવે છે. તો આ લગ્નને માણવા માટે સાસરે ગયેલી દીકરીઓ પણ પિયર આવે છે. સમય સાથે લોકો જૂની પરંપરાઓને ભૂલતા જઈ રહ્યા છે. પરંતુ દમણનો માછી સમાજ આજે પણ વર્ષો જુની પરંપરાને ભૂલ્યો નથી અને દર વર્ષે ઢીંગલા-ઢીંગલીના લગ્નની અનોખી પરંપરાને નિભાવતો આવ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ