ક્રિકેટ / ટીમ ઈન્ડિયા સાથે પ્રેક્ટિસ કરવા ન આવ્યો, આ દિગ્ગજ પ્લેયર પહેલી મેચમાંથી આઉટ!

Team India: એશિયા કપમાં ભારત અને યુએઇની ટીમ વચ્ચેની મેચ રમાશે. આ મેચમાં ટીમ ઈન્ડિયાનો પ્લેઈંગ ઈલેવન શું હશે તે એક મોટો મુદ્દો છે. મેચના એક દિવસ પહેલા એક મોટા ખેલાડીના પ્લેઈંગ ઈલેવનમાંથી બહાર હોવાના સંકેતો મળી રહ્યા છે.

એશિયા કપમાં ભારતીય ક્રિકેટ ટીમનું અભિયાન 10 સપ્ટેમ્બરથી શરૂ થઈ રહ્યું છે. પહેલી મેચ યુએઇ સામે થશે. તમને જણાવી દઈએ કે આ મેચમાં ટીમ ઈન્ડિયા કયા પ્લેઈંગ ઈલેવન સાથે રમશે તે એક મોટો પ્રશ્ન છે. જો કે મેચના એક દિવસ પહેલા કોઈ ખેલાડી પ્રેક્ટિસ કરવા નહોતો આવ્યો અને એવું માનવામાં આવી રહ્યું છે કે તે હવે પહેલી મેચમાં રમશે નહીં. આ ખેલાડી બીજું કોઈ નહીં પણ વિકેટકીપર સંજુ સેમસન છે.

ટીમ ઈન્ડિયાનો મંગળવારે ઓપ્શનલ ટ્રેનિંગ સેશન હતો. આ સેશનમાં શુભમન ગિલ, સૂર્યકુમાર યાદવ, જીતેશ શર્મા જેવા ખેલાડીઓ પ્રેક્ટિસ કરવા આવ્યા હતા પરંતુ સંજુ સેમસન દુબઈના સ્ટેડિયમમાં ગયો ન હતો.

સંજુ સેમસન છેલ્લા કેટલાક ટી20 મેચોમાં શાનદાર પ્રદર્શન કર્યું છે. તેણે ટી20માં બે સદી પણ ફટકારી છે, પરંતુ આ ખેલાડીને હવે પ્લેઇંગ ઇલેવનમાંથી બહાર રહેવું પડી શકે છે કારણ કે શુભમન ગિલ પાછો ફર્યો છે. શુભમન ગિલની વાપસી સાથે ઓપનિંગ જોડી બદલાતી હોય તેવું લાગે છે. મતલબ કે શુભમન ગિલ હવે સંજુ સેમસનની જગ્યાએ અભિષેક શર્મા સાથે જોવા મળશે.

આ પણ વાંચોઃVIDEO: સૂર્યા સામે સલમાનનું સૂરસૂરિયું! મેચ પહેલા ભારત-પાકના કેપ્ટન આમનેસામને

જીતેશ શર્માના ઓપ્શનલ પ્રેક્ટિસમાં ભાગલેવો અને સંજુ સેમસનની ગેરહાજરી સૂચવે છે કે સંજુ સેમસન પહેલી મેચમાં કદાચ નહીં રમી શકે. છેલ્લા 3 દિવસમાં જીતેશ શર્મા વિકેટકીપિંગ પ્રેક્ટિસ કરતો જોવા મળ્યો છે. સંજુ સેમસન વધુ પ્રેક્ટિસ કરી નથી. નોધનીય છે કે, 14 સપ્ટેમ્બરે એશિયા કપમાં ભારત અને પાકિસ્તાન ટકરાશે. આખી દુનિયા આ મેચની રાહ જોઈ રહી છે

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ