નવી દિલ્હી / કોરોના વાયરસથી જેનરિક દવાઓના ભાવ પણ 50 ટકા સુધી વધ્યા, જાણો કારણ

• કોરોનાના કારણે ચીનથી રો-મટીરિયલ્સનો સપ્લાય બંધ થતાં ભાવ વધી ગયા
• ચીનમાં ફેલાયેલા કોરોના વાઇરસની અસર દેશની જેનરિક દવા બજાર પર વરતાવા લાગી છે
• જેનરિક દવાના ભાવ ૫૦ ટકા સુધી વધી ગયા 

હોલસેલ દવા માર્કેટના જણાવ્યા અનુસાર દેશમાં ૫૦૦થી વધુ કંપનીઓ જેનરિક દવા બનાવે છે

જે દવાઓના ભાવમાં વધારો થયો છે તેમાં મોટા ભાગની એન્ટિબાયોટિક્સ અને પેઇન કિલર્સનો સમાવેશ થાય છે. હોલસેલ દવા માર્કેટના જણાવ્યા અનુસાર દેશમાં ૫૦૦થી વધુ કંપનીઓ જેનરિક દવા બનાવે છે. તમામ કંપનીઓ મોટા ભાગે એક્ટિવ ફાર્માસ્યુટિકલ ઇનગ્રેડિયન્સ (રો મટીરિયલ્સ) ચીનથી આયાત કરે છે. 

ચીનમાં ફેલાયેલા કોરોના વાઇરસના કારણે ભારતમાં જેનરિક દવાઓ માટેના રો મટીરિયલ્સનો પુરવટો બંધ થઇ ગયો

ચીનમાં ફેલાયેલા કોરોના વાઇરસના કારણે ભારતમાં જેનરિક દવાઓ માટેના રો મટીરિયલ્સનો પુરવટો બંધ થઇ ગયો છે. તેથી જેનરિક દવા ઉત્પાદન કંપનીઓએ દવાના ભાવ વધારી દીધા છે. કેટલીક દવાઓની અછત પણ સર્જાઇ છે. તેના કારણે દર્દીઓને આજકાલ જેનરિક દવાઓ મળતી નથી. 
કંપનીઓએ એન્ટિબાયોટિક્સ અને પેઇન કીલર્સ દવાના ભાવ ૧૦થી ૫૦ ટકા સુધી વધારી દીધા છે. આ દવામાં પેરાસિટામોલ, સેફેક્સિમ, એમોક્સિસિલિન, ડાયક્લોફિનાક સોડિયમ વગેરેનો સમાવેશ થાય છે.