આવું થયું ? / આ પાડોશી રાજ્યમાં ઘરે જ કોરોના ટેસ્ટ કરવા પર લાગશે પ્રતિબંધ, જાણો શા માટે લેવાયો નિર્ણય

• મુંબઈમાં જલ્દીથી લાગશે 'સેલ્ફ કીટ' પર પ્રતિબંધ
• સેલ્ફ કિટનો ઉપયોગ સાચું પરિણામ નથી આપતો 
• સમગ્ર મુંબઈમાં આવી શકે છે સેલ્ફ કીટ પર પ્રતિબંધ 

મુંબઈમાં કોરોના સંક્રમણમાં સતત વધારો જોવા મળી રહ્યો છે. મુંબઈમાં રોજ 40 હજાર જેટલા કેસો સામે આવી રહ્યા છે. મહારાષ્ટ્રમાં કુલ થયેલા સંક્રમિતોમાંથી અડધો અડધ કેસો મુંબઈમાંથી જ સામે આવ્યા છે. તેનું એક આશ્ચર્યજનક કારણ બહાર આવ્યું છે. મુંબઈમાં લોકો સેલ્ફ કોવિડ ટેસ્ટ કિટનો ઉપયોગ કરી રહ્યા છે. લોકો કોરોના ટેસ્ટ પોતાના ઘરમાં જ કરી રહ્યો હોવાથી BMC ને કોરોના કેસોના સાચા આંકડા મળી નથી રહ્યા. સેલ્ફ ટેસ્ટની કિટથી પરિણામ સાચુ જ મળશે તેની કોઈ ગેરન્ટી ન હોવાથી BMC જલ્દીથી કોવિડ સેલ્ફ ટેસ્ટ કિટ પર પ્રતિબંધ લગાવે તેવી શક્યતાઓ દેખાઈ રહી છે. 

શું કહ્યું મુંબઈના મેયરે ? 

મુંબઈના મેયર કિશોરી પેડનેકર એ મુંબઈ વાસીઓને અપીલ કરી છે કે,તેઓ સેલ્ફ ટેસ્ટ કીટનો ઉપયોગ ના કરે ,પરંતુ લેબોરેટરીમાં જઈને ટેસ્ટ કરાવે,કોઈ પણ કંપનીનાં ટેસ્ટ કીટનો ઉપયોગ યોગ્ય નથી. તેણીએ કહ્યું કે, મે કાલે જ સેલ્ફ કીટ પર કાર્યવાહી કરવાનો આદેશ આપી દીધો છે.અને મુંબઈ મહાનગર પાલિકાએ શનિવારથી જ દવાની દુકાનોમાં રહેલી સેલ્ફ કીટ જપ્ત કરવાની કાર્યવાહી શરુ કરી દીધી છે. હવે મુંબઈના સેલ્ફ કીટ પર સંપૂર્ણ પ્રતિબંધની શક્યતાઓ જોવાઈ રહી છે