ટિકિટ માટે વિવાદ / RMCના જૂનિયર ક્લાર્કે ભાજપમાં ટિકિટ માંગતા ઊભો થયો વિવાદ, ડે.કમિશનરે કહ્યું કાર્યવાહી કરીશું

• રાજકોટમાં વિધાનસભા બેઠક માટે તેજસ ભટ્ટીની દાવેદારી પર વિવાદ 
• તેજસ ભટ્ટી છે મનપામાં જૂનિયર કલાર્ક
• સરકારી કર્મી કોઈપણ પક્ષનું ચિહ્ન પણ ન બતાવી શકે તેવો નિયમ
• સમગ્ર મામલે અમે મહેકમ શાખાનું ધ્યાન દોર્યું છે: મનપા કમિશનર 

રાજકોટમાં વિધાનસભા બેઠક માટે તેજસ ભટ્ટીની દાવેદારી પર વિવાદ ઊભો થયો છે. વાત જાણે એમ છે કે, રાજકોટ મનપામાં જૂનિયર કલાર્ક તેજસ  ભટ્ટીએ ભાજપમાંથી ટિકિટ માંગતા અનેક સવાલો ઊભા થયા છે. કારણ કે સરકારી કર્મી કોઈપણ પક્ષનું ચિહ્ન પણ ન બતાવી શકે તેવો કડક નિયમ હોવા છતાં તેજસ ભટ્ટી દ્વારા ટિકિટ માંગતા સવાલ ઉઠયા છે. જોકે આ મામલે મનપા કમિશનર અમિત અરોરાએ માહિતી મેળવી મોટું નિવેદન આપ્યું હતું. 

સૌરાષ્ટ્રની રાજકોટમાં વિધાનસભાની પૂર્વ અને પશ્ચિમ બેઠકને લઈ મોટા સમાચાર સામે આવ્યા છે. વાત જાણે એમ છે કે, રાજકોટ મનપામાં ક્લાર્ક તરીકે ફરજ બજાવતા તેજસ ભટ્ટીએ રાજકોટમાં વિધાનસભાની પૂર્વ અને પશ્ચિમ બેઠક માટે ટિકિટની માંગ કરતાં અનેક સ્વવલો ઊભા થયા છે. જોકે સૌથી મોટી બાબત એ છે કે, કોઈપણ સરકારી કર્મચારી કોઈ પક્ષ કે કોઈ ચિહ્ન અંગે કામગીરી ન કરી શકે. તેમ છતાં પણ રાજકોટ મનપામાં ક્લાર્ક તરીકે ફરજ બજાવતા તેજસ ભટ્ટીએ ટિકિટ માંગતા અનેક સવાલો ઊભા થયા છે. 

કોણ છે તેજસ ભટ્ટી ? 

એક ચર્ચા મુજબ તેજસ ભટ્ટી પૂર્વ રાજ્યપાલ વજુભાઇ વાળાના અંગત મદદનીશ છે. આ સાથે તેઓ હાલમાં રાજકોટ મ્યુનિશિપલ કોર્પોરેશનમાં ક્લાર્ક તરીકે ફરજ બજાવે છે. આ છતાં નિયમોની વિરુદ્ધ તેઓએ ટિકિટની માંગ કરતાં હવે રાજકારણ ગરમાયું છે. 

શું કહ્યું મનપા  કમિશનરે ? 

સમગ્ર મામલે રાજકોટ મ્યુનિશિપલ અમિત અરોરાએ મોટું નિવેદન આપ્યું છે. અમિત અરોરાએ જણાવ્યું હતું કે, આ સમગ્ર મામલો મીડિયાના માધ્યમથી અમારા સામે આવ્યો છે. સમગ્ર મામલે અમે મહેકમ શાખાનું ધ્યાન દોર્યું છે. નિયમો મુજબ કોઈ પણ સરકારી કર્મચારી કોઈ પક્ષ કે કોઈ ચિહ્ન અંગે કામગીરી ન કરી શકે. તેમ છતાં હવે આ મામલે તપાસ પૂર્ણ થયા બાદ યોગ્ય કાર્યવાહી કરવામા આવશે.