લાઈફસ્ટાઈલ / શરીરને ઠંડું રાખવા ઉનાળામાં આ લોટની રોટલી ખાવી ફાયદાકારક, વજન ઘટાડાવામાં પણ કરશે મદદ

ઉનાળામાં ખોરાકમાં ફેરફાર કરવો જોઈએ. ગરમીના કારણે લોકો પાણીવાળી વસ્તુઓનું સેવન વધુ કરે છે. પરંતુ ઘંઉની રોટલીનો ખોરાક ચાલુ જ રાખે છે. ઉનાળામાં તમારે ઘંઉની રોટલીની આદત બદલવી જોઈએ. ઘંઉ ભારે ખોરાકમાં આવે છે, ગરમીમાં ભારે ખોરાક લેવાનું ટાળવું જોઈએ. તેનાથી સ્વાસ્થ્ય પણ સારું રહે છે અને વજન પણ મેન્ટેન રહે છે. એક્સપર્ટની સલાહ મુજબ જણાવીશું કે ઉનાળામાં કઈ રોટલી ખાવી હેલ્થ માટે ફાયદાકારક સાબિત થાય છે.

જુવારની રોટલી ખાવી જોઈએ

એક્સપર્ટ્સ ડાયટિશિયનનું કહેવું છે કે, ઉનાળાની ગરમીમાં ઘઉં સિવાય પણ બીજી રોટલી ખાવી જોઈએ. ઉનાળામાં જુવારની રોટલી ખાવી જોઈએ. વજન ઘટાડવું હોય કે નહીં, પરંતુ ઉનાળામાં જુવારની રોટલી ફાયદાકારક સાબિત થાય છે. તેમાં ફાયબરનું પ્રમાણ વધુ હોય છે તે જલ્દી પચી પણ જાય છે. આ સિવાય જુવારની તાસીર ઠંડી હોય છે. એક્સપર્ટ્સ તો એમ પણ કહે છે દિવસ દરમિયાન અલગ અલગ અનાજ ખાવું જોઈએ.

4-5 રોટલી જ ખાવી

જો તમે વજન ઘટાડવા માંગો છો તો તમે દિવસભર કેટલી રોટલી ખાવ છો તેનું પણ ધ્યાન રાખવું જોઈએ. તમારે લિમિટેડ રોટલી જ ખાવી જોઈએ. એક્સપર્ટ્સ ડાયટિશિયનનું કહેવું છે તમારે દિવસ દરમિયાન 4-5 રોટલી ખાવી જોઈએ. આ સાથે ઘઉં સિવાય આખા અનાજનું સેવન કરવું જોઈએ. દાળને ડાયટમાં સામેલ કરવી. કારણકે તેમાં પુરતા પોષકતત્વો હોય છે.

શાકભાજી-ફળો વધુ ખાઓ

ઉનાળામાં આપણે સ્વાસ્થ્ય માટે શાકભાજી અને ફળો પર વધારે ફોકસ કરવું જોઈએ. કારણકે તેમાંથી શરીરને પુરતા પોષક તત્વો મળે છે, ફાયબર પણ મળી રહે છે. ફાયબરથી પેટનું સ્વાસ્થ્ય સારું રહે છે અને મેટાબોલિઝમ બુસ્ટ થાય છે. ઉનાળામાં તરબૂચ જેવા ફળ રોજ ખાવા જોઈએ.

વધુ વાંચો: શું તમને પણ સવાર-સવારમાં બ્રશ વિના જ પાણી પીવાની છે આદત? તો પહેલા આટલું જાણી લેજો

ઉલ્લેખનીય છે કે, ભારતમાં ઉનાળાની ગરમીમાં તાપમાન 40 ડિગ્રીની આસપાસ જ રહે છે. જેથી ડિહાઈડ્રેશનનો ખતરો રહે છે. તેનાથી બચવા તમારે વધુ પાણી પીવું જોઈએ. જો તમે નારિયેળનું પાણી પીવો છો તો તેનો બમણો ફાયદો થાય છે. ફળોથી પણ શરીરમાં પાણીનું પ્રમાણ ઘટતું નથી.