લોકસભા ચૂંટણી 2024 / હવે બંધારણને લઈ ભાજપ-કોંગ્રેસ આમને સામને, બંધારણમાં ફેરફાર થવાના આક્ષેપ પર યમલ વ્યાસનો જવાબ

Lok Sabha Election 2024 : લોકસભા ચૂંટણીને લઈ ગુજરાતમાં રાજકીય પક્ષોનો પ્રચાર ચરમસીમા પર છે. આ દરમિયાન ભાજપ-કોંગ્રેસ બંને એક બીજા ઉપર દેશનું બંધારણ બદલાવાના આક્ષેપ કરી રહ્યા છે. PM મોદીએ કોંગ્રેસ પાસે લેખિતમાં અનામતમાં બદલાવની માગણી કરવા લોકોને અપીલ કરી હતી. આ તરફ હવે ગુજરાત કોંગ્રેસ પ્રદેશ પ્રમુખ શક્તિસિંહ ગોહિલે આ અંગે નિવેદન આપ્યું છે. ગોહિલે કહ્યુ કે, કોંગ્રેસે 60 વર્ષના શાસનમાં બંધારણમાં ફેરફાર નથી કર્યો અને લેખિતમાં એ લોકો આપે જેનો ભૂતકાળ ખરાબ હોય.

અરવલ્લી જિલ્લાના માલપુર ખાતે ગુજરાત કોંગ્રેસના પ્રદેશ પ્રમુખ શક્તિસિંહ ગોહિલે સભા સંબોધી હતી. આ દરમિયાન તેમણે PM મોદીની બંધારણને લઈ ગેરંટી માંગવા પર જવાબ આપ્યો હતો. ગોહિલે કહ્યું કે, કોંગ્રેસે જ બંધારણ બનાવવાનું કામ કર્યું છે. આ સાથે ઉમેર્યું કે, કોંગ્રેસે 60 વર્ષના શાસનમાં બંધારણમાં ફેરફાર નથી કર્યો. PM મોદીના નિવેદનને લઈ ગોહિલે કહ્યુ કે, લેખિતમાં એ લોકો આપે જેનો ભૂતકાળ ખરાબ હોય.

વધુ વાંચો : 'કોંગ્રેસ અને પાકિસ્તાનની પાર્ટનરશીપ ખુલ્લી પડી' PM મોદીએ રાહુલ ગાંધી પર કર્યા પ્રહાર

આ તરફ ભાજપ નેતા યમલ વ્યાસે પણ આ અંગે નિવેદન આપ્યું છે. યમલ વ્યાસ વ્યાસે કહ્યું કે, 1976માં કોંગ્રેસે બંધારણના મૂળભૂત નિયમોમાં ફેરફાર કર્યા હતા. બંધારણમાં ફેરફારની અસર લાંબા સમય સુધી રહી હતી. આ સાથે તેમણે કહ્યુ કે, ભાજપ સરકાર બંધારણમાં ફેરફાર નહીં કરે. 2019માં NDAને 400 બેઠક મળી તો પણ ભાજપે બંધારણમાં ફેરફાર નથી કર્યો. આ સાથે તેમણે ઉમેર્યું કે, SC, ST, OBCના અનામતમાં કોઈ ફેરફાર થશે નહીં.