મનોરંજન / જુલાઇમાં રિચા ચઢ્ઢાના ઘરે ગૂંજશે કિલકારીઓ, હીરામંડીનું પ્રમોશન પૂર્ણ થતા જ કામમાંથી લેશે બ્રેક

ઋચા ચડ્ઢાએ ફેબ્રુઆરીમાં પોતાના ઓફિશ્યલ ઈન્સ્ટાગ્રામ હેન્ડલ પર પ્રેગ્નેન્સી અનાઉન્સ કરી હતી. હવે ખરબ છે કે તે જુલાઈમાં પહેલા બાળકને જન્મ આપશે. હાલ ઋચા પ્રેગ્નેન્સીના થર્ડ ટ્રાયમેસ્ટરમાં છે અને સતત પોતાની સીરિઝ હીરામંડીનું પ્રમોશન કરી રહી છે. પ્રમોશન પુરા થતા જ તે પોતાના આવનાર બાળક પર ફોકસ કરશે.

રિપોર્ટ અનુસાર ઋચા ચડ્ઢા સાથે જોડાયેલા સૂત્રોના હવાલે ખબર મળી છે કે હીરામંડીનું પ્રમોશન પુરૂ થયા બાદ તે આવનાર બાળક અને પોતાની હેલ્થ પર ધ્યાન આપશે અને પોતાના ખાલી સમયમાં સ્ક્રિપ્ટ વાંચશે અને પ્રોડક્શન લેવલના પ્રોજેક્ટ પર કામ કરશે.

વધુ વાંચો: Googleમાં ફરીવાર છટણીનો દોર શરૂ: પહેલા આખી પાયથન ટીમને છુટ્ટી કરી, હવે 200 કર્મચારીઓ...!

ફેબ્રુઆરીમાં અનાઉન્સ કરી હતી પ્રેગ્નેન્સી

ફુકરે એક્ટ્રેસ ઋચા ચડ્ઢાએ 4 ઓક્ટોબર 2022માં એક્ટર અલી ફેઝલ સાથે લખનૌઉમાં લગ્ન કર્યા હતા. લગ્નના 2 વર્ષ બાદ આ વર્ષે ફેબ્રુઆરીમાં ઋચા ચડ્ઢા અને અલી ફેઝલે પોતાના ફેંસની સાથે ગુડ ન્યૂઝ શેર કરી હતી. કપલે એક ફોટો શેર કર્યો હતો જેમાં લખ્યું હતું 1+1=3 આ ફોટોની સાથે કેપ્શન લખ્યું હતું. "એક નાનકડી ધડકન દુનિયાનો સૌથી સારો સાઉન્ડ છે."