Lay Off / Googleમાં ફરીવાર છટણીનો દોર શરૂ: પહેલા આખી પાયથન ટીમને છુટ્ટી કરી, હવે 200 કર્મચારીઓ...!

દુનિયાના સૌથી મોટા સર્ચ એન્જિન અને ટેક દિગ્ગજ કંપની ગુગલમાં હડકંપ મચી ગયો છે અને છટણીનો સિલસિલો જોરો પર છે. થોડા દિવસો પહેલા જ ગુગલે આખી પાયથન ટીમને નોકરીમાંથી કાઢી નાખી હતી પરંતુ તેના થોડા જ સમય બાદ હવે ફરી એક વખત કંપનીમાં મોટી છટણીની ન્યૂઝ સામે આવી છે. ગુગલે 200 કર્મચારીઓને બહારનો રસ્તો બતાવી દીધો છે. રિપોર્ટ અનુસાર Google Q1 Resultsથી પહેલા છટણી કરવામાં આવી છે.

ક્વાર્ટર પરિણામ પહેલા જાહેરાત

Googleએ ગઈ 25 એપ્રિલે પોતાના પહેલા ક્વાર્ટરમાં ધમાકેદાર ઈનકમ રિપોર્ટ કરવાના પહેલા પોતાની કોર ટીમમાં મોટી છટણી કરી હતી. એક રિપોર્ટ અનુસાર તેના હેઠળ કંપનીએ ઓછામા ઓછા 200 કર્મચારીઓને બહારનો રસ્તો બતાવ્યો છે. તેના ઉપરાંત કહેવામાં આવ્યું છે કે ગુગલે પોતાના અમુક નિયુક્તાને ભારત અને મેક્સિકોમાં ટ્રાન્સફર કરવા પર પણ વિચાર કરી રહ્યું છે. ગુગલે આ નવી છટણી થોડા દિવસો પહેલા ફ્લટર, ડાર્ટ અને પાયથન ટીમોમાંથી કર્મચારીઓને નિકાળ્યા બાદ કરી.

વધુ વાંચો: સુપરફાસ્ટ બોલર મયંક યાદવને લઇ ગુડ ન્યુઝ, ટૂંક સમયમાં જ BCCI આપી શકે છે મોટી ગિફ્ટ

કર્મચારીઓને E-Mail મોકલી આપી જાણકારી

રિપોર્ટ અનુસાર Layoffની જાહેરાત Google ડેવલોપર ઈકોસિસ્ટમના વાઈસ પ્રેસિડેન્ટ અસીમ હુસેને કરી અને ગયા અઠવાડિયે કોર ટીમમાં કામ કરનાર પોતાના કર્મચારીઓને આ સંબંધમાં એક ઈમેલ મોતલીને જાણકારી આપી હતી. તેના ઉપરાંત તેમણે એક ટાઉન હોલમાં પણ છટણી અને ફેરફારને લઈને વાત કરી હતી. હુસેને કહ્યું હતું કે તે આ વર્ષે તેમની ટીમ માટે સૌથી મોટી કોસ્ટ કટિંગ છે.