આરોગ્ય / બાળકો માટે પાણીની બોટલ અને લંચ બોક્સ ખરીદતી વખતે રાખો ધ્યાન, સસ્તી વસ્તુથી બીમારીનું જોખમ

જ્યારે આપણે બાળકોના સ્કૂલનો સામાન ખરીદીએ છીએ તો માટાભાગે તેમાં વોટર બોટલ અને ટિફિન બોક્સનું સિલેક્શન કંઈ પણ વિચાર્યા વગર કરી લીઈએ છીએ. પરંતુ શું તમને ખબર છે કે ખોટા અને સસ્તા ઉત્યાદનથી તમારા બાળકો બીમાર પડી શકે છે? જો આ વસ્તુ સારી ક્વોલિટીની ન હોય તો તે બાળકો માટે નુકસાનકારક સાબિત થઈ શકે છે.

સસ્તા પ્લાસ્ટિકથી બનેલી વોટર બોટલ અને ટિફિનમાં ખતરનાક કેમિકલ્સ હોય છે. જે ભોજનમાં ભળી જાય છે તેનાથી બાળકોનું પેટ ખરાબ થઈ શકે છે. તેના ઉપરાંત જો આ બોટલ અને ટિફિન સારી રીતે સાફ ન થાય તો તેમાં ગંદકી અને કિટાણુ જમા થઈ જાય છે. જે બીજી બીમારીઓ લાવી શકે છે. માટે જો તમે બાળકો માટે આ સામાન ખરીદો છો તો થોડો સમય કાઢીને સારૂ રિસર્ચ કરો અને સારી ક્વોલિટીની વસ્તુઓ પસંદ કરો.

સફાઈ સારી રીતે થઈ શકે તેવી વસ્તુઓ લો

બાળકો માટે જે બોટલ અને ટિફિન ખરીદી રહ્યા છો તેને સાફ કરવું સરળ હોવું જોઈએ. એવી બોટલ અને ટિફિન પસંદ કરો જેમાં ભોજન ફસાવાની જગ્યા ન હોય. જેથી તેને ધોવામાં મુશ્કેલી ન થાય. સ્વચ્છ બોટલથી બાળકો સ્વસ્થ્ય રહેશે.

ઢાંકણ સારી રીતે બંધ થવું જોઈએ

જ્યારે તમે બાળકો માટે બોટલ અને ટિફિન ખરીદો છો તો તે સુનિશ્ચિત કરો તે તેનું ઢાંકણ સારી રીતે ફીટ થતું હોય. ઢાંકણ સારી રીતે બંધ થતું હશે તો તેમાંથી ભોજન અને પાણી બહાર નહીં પડે. તેનાથી બાળકોનો સામાન સાફ અને સુરક્ષિત રહેશે અને તેમના કપડા પણ ગંદા નહીં થાય.

વધુ વાંચો: મ્યુચ્યુઅલ ફંડના રોકાણકારો માટે કામના સમાચાર, 1.3 કરોડ ખાતામાં ટ્રાન્ઝેક્શન બ્લોક, આ રીતે ચેક કરો સ્ટેટસ

સુરક્ષિત હોવું જરૂરી

જ્યારે તમે બાળકો માટે બોટલ કે ટિફિન ખરીદો તો ધ્યાન રાખો કે પ્રોડક્ટ પર લગાવેલા લેબલ અને સર્ટિફિકેટને સારી રીતે જોઈ લો. એ ચેક કરો કે આ બધુ જરૂરી સુરક્ષા પેરામિટરને પુરા કરતા હોય. જેથી તમારૂ બાળક સુરક્ષિત રહે.