દુર્ઘટના / ઓનલાઇન પાર્સલમાં બ્લાસ્ટ થતા સાબરકાંઠામાં 2ના મોત, 3 ઘાયલ

સાબરકાંઠા: સાબરકાંઠા જિલ્લામાં ઓનલાઇન મંગાવેલા પાર્સલમાં બ્લાસ્ટ થયાની માહિતી મળી છે. સાબરકાંઠાના વેડા છાવણી ગામે પાર્સલમાં બ્લાસ્ટ થયો. પાર્સલમાં થયેલા બ્લાસ્ટના કારણે 3 વ્યક્તિના મૃત્યુ થયા છે અને 3 બાળકી ઈજાગ્રસ્ત થઈ છે. પરિવારે ઓનલાઈન વેબસાઈટ પરથી હોમથિયેટર મંગાવ્યું હતું. પાર્સલમાં હોમથિયેટરને બદલે કોઈ અજીબ વસ્તુ નીકળી. બહારથી પાર્સલ રિસિવ કરી ઘરમાં આવી પાર્સલ ખોલતા જ પાર્સલમાં બ્લાસ્ટ થયો.

મળતી માહિતી મુજબ, સાબરકાંઠા જિલ્લાનાં વેડા છાવણી ગામે આ ઘટના ઘટી છે. વેડા છાવણીમાં રહેતા એક પરિવારે ઓનલાઈન વેબસાઈટ પરથી હોમથિયેટર મંગાવ્યું હતું. પાર્સલને બહારથી રિસીવ કરીને પછી ઘરમાં લાવ્યા અને પાર્સલ ખોલતા બ્લાસ્ટ થયો. બોક્સ ખોલતા જ બ્લાસ્ટ થયો. બોક્સમાં હોમથિયેટર ન હતું.

વધુ વાંચો: બાપ રે.. ગુજરાતમાં એક જ વર્ષમાં કાર્ડિયાકના 75 હજાર કેસ! આજે ત્રણ લોકોના હાર્ટ એટેકથી મોત

બ્લાસ્ટમાં જીતુભાઈ વણઝારા અને તેની એક પુત્રીનું મૃત્યુ થયું. આ સિવાય ત્રણ લોકોને ગંભીર ઈજાઓ પણ થઈ. ઈજાગ્રસ્તોને સારવાર માટે તાત્કાલિક હોસ્પિટલ ખસેડવામાં આવ્યા. પોલીસને બ્લાસ્ટની જાણકારી મળતા જ ઘટના સ્થળે પહોચીને સમગ્ર મામલે તપાસ હાથ ધરી છે.