ડૂબતાંનું તણખલું / કોંગ્રેસ AAP થી ડરી..! AAP અમને ટેકો આપે તો અમે તૈયાર, કોંગી દિગ્ગજ નેતાનું મોટું નિવેદન

• રાધનપુર સભામાં ભરતસિંહ સોલંકીનું નિવેદન
• AAP અમને ટેકો આપે તો અમે ટેકો લેવા તૈયાર: ભરતસિંહ 
• રાધનપુર સભામાં અલ્પેશ ઠાકોરના ગઢમાં પડ્યું ગાબડું

ગુજરાત વિધાનસભાની ચૂંટણીને રાજકીય પક્ષોની ગતિવિધીઓ તેજ થઈ છે.  ચૂંટણી જાહેરાતની ઘડીઓ ગણાઈ રહી છે ત્યારે ત્રણય પક્ષો રાજકીય દંગલ ખેલી રહ્યાં છે.  ભાજપ, કોંગ્રેસ અને આમ આદમી પાર્ટી ત્રણય પાર્ટીઓએ કમર કસી રહ્યાં છે. રાજકીય પક્ષોની ગતિવિધી તેજ થઈ છે અને ચૂંટણી જીતવી તમામ પ્રયાસો પણ હાથ ધરી દીધા છે.  બેઠકોથી લઈ જનસભાઓની ધમધમાટની ધૂંણી પણ ધપાવી રહ્યાં છે. આ બધાની વચ્ચે રાધનપુરમાં કોંગ્રેસની એક સભાનું આયોજન કરવામાં આવ્યું હતું જેમાં ભરતસિંહ સોલંકીએ મોટું નિવેદન સામે આવ્યું છે. જે સભાના મંચ પરથી આમ આદમી પાર્ટી સાથે મિત્રતાનો હાથ લંબાવ્યો છે.

કોંગ્રેસે લંબાવ્યો મિત્રતાનો હાથ
ગુજરાતમાં વિધાનસભાની ચૂંટણી જેમ જેમ નજીક આવે છે તેમ તેમ જાણે કોંગ્રેસમાં ડર વધી રહ્યો હોય તેવું વર્તમાનમાં તો જણાઈ રહ્યું છે. વર્તમાનમાં એવું વર્તાઈ રહ્યું છે કે, કોંગ્રેસને ડર છે તે આમ આદમી પાર્ટી કરતા પણ કમજોર છે અને તે આ ચૂંટણીમાં વિપક્ષની ભૂમિકામાં કદાચ નહીં હોય તેમ આમ આદમી પાર્ટી પાસે ટેકા માટે અત્યારથી જ હાથ મિત્રતતાનો હાથ લંબાવ્યો છે.  કોંગ્રેસની રાધનપુર ખાતે પહોંચેલી પરિવર્તન યાત્રામાં કોંગ્રેસના અગ્રણી નેતા ભરત સિંહ સોલંકીનું મોટું નિવેદન સામે આવ્યું છે. આમ આદમી પાર્ટી અમને ટેકો આપે તો અમે ટેકો લેવા તૈયાર તેમ ભરત સોલંકીએ જણાવ્યું છે. રાધનપુરમાં કોંગ્રેસની પરિવર્તન સંકલ્પ યાત્રામાં ભરતસિંહ આ નિવેદન આપ્યું છે.

અલ્પેશ ઠાકોરના ગઢમાં પડ્યું ગાબડું
રાધનપુરમાં કોંગ્રેસની પરિવર્તન સંકલ્પ યાત્રા શરૂ થઈ છે જ્યાં પૂર્વ પ્રદેશ કોંગ્રેસ પ્રમુખ ભરતસિંહની અધ્યક્ષતામાં સભાનું યોજાઈ હતી. રાધનપુર સભામાં અલ્પેશ ઠાકોરના ગઢમાં ગાબડું પડ્યું છે. ઠાકોર સેનાનાં કાર્યકરો અને હોદ્દેદારોએ અલ્પેશથી છેડો ફાડી ભાજપમાં જોડાયા છે. ભાજપના કાર્યકરો અને અલ્પેશ ઠાકોર જૂથ લોકો અલ્પેશથી છેડો ફાડી કોંગ્રેસમાં જોડાયા છે.