સ્પોર્ટ્સ / CWG 2026 ક્લોઝિંગ સેરેમની: ગ્લાસગોમાં ઉજવાશે રમત ઉત્સવનો આખરી જશ્ન

Published By: Pravin Joshi

Last Updated: 10:30 PM, 2 August 2026

FOLLOW ON

શેર કરો

કોમનવેલ્થ ગેમ્સ 2026 નો 11 દિવસીય રમત ઉત્સવ ગ્લાસગોના પ્રખ્યાત હાઇડ્રો એરેના ખાતે યોજાનારી ભવ્ય સમાપન સમારોહ (Closing Ceremony) સાથે પૂર્ણ થશે. આ સમારોહ ભારત માટે અત્યંત ખાસ રહેશે, કારણ કે 2030 ના કોમનવેલ્થ ગેમ્સનું આયોજન ભારતના અમદાવાદ શહેરમાં થવાનું હોવાથી ભારતને સત્તાવાર રીતે બેટન સોંપવામાં આવશે.

કોમનવેલ્થ ગેમ્સ 2026 માં 11 દિવસ સુધી ચાલેલા રોમાંચક રમતજગત બાદ આજે મોડી રાત્રે ગ્લાસગોના પ્રખ્યાત હાઇડ્રો એરેના ખાતે ક્લોઝિંગ સેરેમની યોજાશે. આ વખતની રમતોમાં માત્ર 10 રમતોનો જ સમાવેશ કરવામાં આવ્યો હોવા છતાં, ભારતીય બોક્સરો અને એથ્લેટ્સે ઐતિહાસિક પ્રદર્શન કરીને દેશનું નામ રોશન કર્યું છે. આગામી 2030 ના કોમનવેલ્થ રમતોનું આયોજન ભારતના અમદાવાદ શહેર ખાતે થવાનું છે, જેથી આ સમારોહ દરમિયાન ભારતને સત્તાવાર ફ્લેગ અને બેટન ટ્રાન્સફર કરવામાં આવશે.

ક્લોઝિંગ સેરેમનીમાં કોણ કરશે પર્ફોર્મ?

સમારોહની શરૂઆત એથ્લેટ્સના શાનદાર પ્રદર્શનની ઉજવણી અને વોલન્ટિયર્સના આભાર વ્યક્ત કરવા સાથે થશે. ગ્લાસગો 2026 ના ચીફ માર્કેટિંગ અને સેરેમની ઓફિસર લુઇસા મહોને જણાવ્યું કે આ સમારોહ જોડાણ, લાગણીઓ અને જશ્નનો એક મોટો અવસર બનશે.

આંતરરાષ્ટ્રીય અને ભારતીય કલાકારો મંચ ગજવશે

શંકર મહાદેવન: 2030 ના મેજબાન દેશ ભારત અને અમદાવાદ તરફથી પ્રખ્યાત ભારતીય સંગીતકાર શંકર મહાદેવન ખાસ પર્ફોર્મન્સ આપશે.

સિમ્પલ માઇન્ડ્સ: સ્કોટિશ રોક બેન્ડ સિમ્પલ માઇન્ડ્સ ('Alive and Kicking', 'Waterfront', 'Promised You a Miracle' અને 'Belfast Child' જેવા હિટ ગીતો માટે જાણીતું) પર્ફોર્મ કરશે.

અન્ય કલાકારો: સ્કોટિશ આર્ટિસ્ટ BEMZ, કૈમી બાર્ન્સ અને સેન્ડી થોમસ પણ કલાત્મક પ્રસ્તુતિ આપશે.

ડેલ્ટા ગુડ્રેમ: ઓસ્ટ્રેલિયન ગાયિકા ડેલ્ટા ગુડ્રેમ કોમનવેલ્થ ગેમ્સ સેરેમનીમાં પોતાની ત્રીજી એપિયરન્સ આપશે.