- શિયાળામાં ભરપૂર માત્રામાં પાણીનું સેવન કરવું
- પાણીની બોટલ સાથે રાખો
- કેફીન અને દારૂનું સેવન ટાળો
લોકોને શિયાળાની ઋતુમાં પાણી પીવાની આદત ખૂબજ ઓછી હોય છે. જેના કારણે શરીર ડિહાઇડ્રેટ થવાં લાગે છે. ડિહાઇડ્રેટ એટકે કે શરીરમાં પાણીની ઉણપ થવી. શરીરમાં પાણીની ઉણપનાં કારણે, શરીરની અંદર રહેલ ઇલેક્ટ્રોલાઇટ્સ અસંતુલિત થવાં લાગે છે. સ્વાસ્થ્ય નિષ્ણાંત મુજબ શિયાળામાં ભરપૂર માત્રામાં પાણીનું સેવન કરવું જોઈએ. શિયાળાની ઋતુમાં ખૂબ જ ઓછી તરસ લાગે છે. જેના કારણે આપણે પાણી પીવાનું ભૂલી જતાં હોઈએ છીએ, તેનાં માટે માત્ર આ ટિપ્સ ફોલો કરવાથી તમે ડિહાઈડ્રેશનથી બચી શકો છો.
રિમાઈન્ડર લગાવો
દિવસમાં ઓછામાં ઓછું બે થી અઢી લિટર પાણી પીવું જોઈએ. શિયાળામાં ઓછો પરસેવો વળે છે. જેના કારણે તરસ પણ ખૂબ જ ઓછી લાગે છે. પૂરતાં પ્રમાણમાં પાણીનું સેવન ન કરવાથી તમને ડિહાઈડ્રેશનની સમસ્યા થઈ શકે છે. તેનાથી બચવા માટે તમે તમારાં ફોનની મદદથી રિમાઈન્ડર સેટ કરી શકો છો. આવું કરવાનાં કારણે તમે થોડા-થોડા સમયે પાણીનું સેવન કરતા રહેશો.
પાણીની બોટલ સાથે રાખો
શિયાળાની ઋતુમાં, તમારે પાણીની બોટલ સાથે જ રાખવી જોઈએ. તમે હુંફાળું પાણી પણ સાથે રાખી શકો છો. ઘણાં લોકોને એવું લાગે છે કે તેમણે પાણી પીવા વારંવાર ઊઠવું પડશે, જેના કારણે તેઓ ઓછું પાણી પીતા હોય છે. તે માટે તમારી સાથે પાણીની બોટલ રાખો.
કેફીન અને દારૂનું સેવન ટાળો
શિયાળામાં લોકો ખુદને ગરમ રાખવા માટે, કોફીનું સેવન કરતાં હોય છે. વધુ પડતાં કોફીના સેવનનાં કારણે શરીરમાં કેફીનનું પ્રમાણ વધી જાય છે. જેના કારણે શરીર ડિહાઇડ્રેટ થવાં લાગે છે. એવી જ રીતે શિયાળામાં વધુ પડતાં દારૂનાં સેવનના કારણે પણ ડિહાઈડ્રેશન થઈ શકે છે. તેથી આ બે વસ્તુઓનું સેવન ટાળો. તેની જગ્યાએ તાજા શાકભાજી અને ફળ ખાવાથી ડિહાઈડ્રેશન ઓછું થાય છે. શિયાળામાં સંતરા, કાકડી, દાળમ અને નાસપતીનું સેવન કરવું જોઈએ.
