ટેક / 8 મેથી Instagram પર ચેટીંગ કરવું નહીં રહે સેફ, થઇ રહ્યો છે મોટો બદલાવ

ઇન્સ્ટાગ્રામના યુઝર્સ માટે એક મોટો ફેરફાર આવી રહ્યો છે. જેમાં મેટાએ સ્પષ્ટતા કરી છે કે 8 મે 2026 થી પ્લેટફોર્મ પર એન્ડ-ટુ-એન્ડ એન્ક્રિપ્ટેડ ચેટ્સ બંધ કરવામાં આવશે. મતલબ કે તમારી પ્રાઈવેટ વાતચીતો હવે પહેલા જેટલી સુરક્ષિત નહીં રહે. અત્યાર સુધી આ ફીચર યુઝર્સના મેસેજને સંપૂર્ણપણે પ્રાઈવેટ રાખવાની મંજૂરી આપતી હતી પરંતુ કંપનીએ ઓછા ઉપયોગને ટાંકીને તેને દૂર કરવાનો નિર્ણય લીધો છે. આ નિર્ણયથી પ્રાઈવેસી વિશે એક નવી ચર્ચા શરૂ થઈ છે.

• શું છે એન્ડ-ટુ-એન્ડ એન્ક્રિપ્શન?
  

એન્ડ-ટુ-એન્ડ એન્ક્રિપ્શન એક સુરક્ષા સિસ્ટમ છે જેમાં માત્ર મોકલનાર અને રીસીવર જ મેસેજ વાંચી શકે છે. પ્લેટફોર્મ ચલાવતી કંપની પણ આ મેસેજને ઍક્સેસ કરી શકતી નથી. આથી તેને ઓનલાઈન પ્રાઈવેસી માટે સૌથી મજબૂત સુરક્ષા માનવામાં આવે છે. આ સુવિધા દૂર કર્યા બાદ યુઝર્સની વાતચીતો હવે પહેલા જેટલી સંપૂર્ણપણે ખાનગી રહેશે નહીં.

ઇન્સ્ટાગ્રામે ડિસેમ્બર 2023 માં આ એન્ક્રિપ્શન સુવિધા શરૂ કરી હતી. આ તેની એપ્લિકેશનોમાં પ્રાઈવેસીને મજબૂત બનાવવાની મેટાની વ્યૂહરચનાનો એક ભાગ હતો. પરંતુ કંપની હવે કહે છે કે ખૂબ ઓછા યુઝર્સ આ સુવિધાનો ઉપયોગ કરી રહ્યા હતા. આથી તેને પ્લેટફોર્મને અલગ દિશામાં લઈ જવા માટે તેને બંધ કરવાનો નિર્ણય લીધો છે.

• યુઝર્સ માટે શું બદલાશે?
  

8 મે 2026 બાદ  Instagram પર મોકલવામાં આવતા મેસેજ હવે એન્ક્રિપ્ટેડ રહેશે નહીં. મતલબ કે, કંપનીને જો જરૂરી હોય તો આ મેસેજને મધ્યસ્થતા કે બીજા હેતુઓ માટે ઍક્સેસ કરી શકે છે. જે યુઝર્સ પાસે પહેલાથી જ એન્ક્રિપ્ટેડ ચેટ છે તેમને સૂચના પ્રાપ્ત થશે. કંપની યુઝર્સને તેમના મહત્વપૂર્ણ મેસેજ અને મીડિયાને સમયસર ડાઉનલોડ કરવાની સલાહ આપે છે.

વધુ વાંચો : સેમસંગની મોટી ઓફર: 1.5 લાખનો Galaxy S26 Ultra અડધી કિંમતમાં!

• પ્રાઈવેસી vs સિક્યુરિટી: એક નવી ચર્ચા શરૂ થાય છે
  આ નિર્ણયથી પ્રાઈવેસી વિશે એક નવી ચર્ચા શરૂ થઈ છે. જેમાં અનેક એક્સપર્ટ માને છે કે એન્ક્રિપ્શન દૂર કરવાથી યુઝર્સ સુરક્ષા માટે ખતરો ઉભો થઈ શકે છે. આ દરમિયાન કેટલીક સરકારો અને સલામતી જૂથો દલીલ કરે છે કે એન્ક્રિપ્શન અયોગ્ય એક્ટિવિટીને ટ્રેક કરવાનું મુશ્કેલ બનાવે છે. આ સ્થિતિમાં મેટા હવે વધુ સારી પ્રાઈવેસી માટે યુઝર્સને WhatsApp જેવા પ્લેટફોર્મ તરફ ધકેલવાની વ્યૂહરચના અપનાવી શકે છે, જ્યાં એન્ક્રિપ્શન પહેલાથી જ ડિફોલ્ટ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ