જાણી લો / તમારી કાર આપશે જબરદસ્ત માઈલેજ! આટલા સમય બાદ એન્જિન ઓઈલ બદલવું જરૂરી

ઘણા લોકો ગાડી તો લઈ લે છે પણ જ્યારે વાત ગાડીની દેખરેખ કરવાની આવે, તો લોકો પછી પીછેહઠ કરે છે. લોકોને ધ્યાનમાં જ નથી હોતું કે, ક્યારે ગાડીમાં એન્જિન ઓઇલ બદલવું. જો કે, ગાડીમાં એન્જિન ઓઇલ બદલવાનો પણ એક સમય હોય છે. શું છે એ સામે તેના વિશે ચાલો જાણી લઈએ.

સાધારણ મિનરલ ઓઇલને દર 5000-7500 કિમી વચ્ચે બદલવું જોઈએ. હવે જો તમે ગાડીમાં સિંથેટિક બ્લેન્ડ ઓઇલનો ઉપયોગ કરો છો, તો તમારે દર 7500-10,000 કિમી પર ઓઇલ બદલવું જોઈએ. બીજી બાજુ જો તમે ફૂલ સિંથેટિક ઓઇલનો વપરાશ કરો છો, તો તમારે લગભગ દર 10,000-15,000 કિમી પર ગાડીનું ઓઇલ બદલવું જોઈએ.

વધુ વાંચો: અનલિમિટેડ ડેટા કોલિંગ, 100 ટકા વેલ્યૂ બેક ઑફર, હવે વારંવાર રિચાર્જથી મેળવો છૂટ્ટી!

જો તમે ગાડીનો ઉપયોગ રોજબરોજ નથી કરી રહ્યા અથવા ગાડી ઓછી ચલાવો છો, તો પણ તમારે દર 6 મહિને થી 1 વર્ષ સુધીની અંદર એન્જિન ઓઇલ બદલવું જોઈએ. જો તમે ખરાબ રસ્તા પર ગાડી ચલાવો છો, તો તેનાથી ગાડીમાં એન્જિન પર ભારે અસર પડે છે. આવી સ્થિતિમાં એન્જિન ઓઇલ જલ્દી જ બદલવું હિતાવહ છે.

ગાડીના એન્જિનમાંથી જો અવનવા અવાજ આવી રહ્યા છે, તો સમજી લેવું કે એન્જિન ઓઇલ હવે બદલવું પડશે. ગાડી માઇલેજ ન આપે અને ઓઇલ જો કાડુ પડી જાય, તો સમજી લેવું કે એન્જિન ઓઇલ બદલવું પડશે. ખાસ ધ્યાન રાખો કે, એન્જિન જો વધુ પડતું ગરમ થાય એટલે ઓવરહીટિંગ થાય તો એન્જિન ઓઇલ ચેક કરાવવું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ