- TMCનાં રાષ્ટ્રીય મહાસચિવ અભિષેક બેનર્જીને CBIનું આમંત્રણ
- શિક્ષક ભરતી કૌભાંડનાં મામલે પૂછપરછ કરી શકે છે એજન્સી
- સમન મળ્યાં બાદ BJP પર ભડક્યાં અભિષેક બેનર્જી
CBIએ શિક્ષક ભરતી ઘોટાળાનાં મામલામાં TMCનાં રાષ્ટ્રીય મહાસચિવ અભિષેક બેનર્જીને સોમવારે સમન મોકલ્યું. આવતીકાલે કોલકત્તાનાં નિઝામ પેલેસમાં તેમને હાજર રહેવા માટે કહેવામાં આવ્યું છે. એવું કહેવામાં આવી રહ્યું છે કે મમતા બેનર્જીનાં ભત્રીજા અભિષેકની સાથે લાંચનાં બદલામાં સ્કૂલમાં નોકરીનાં મુદે એજન્સી પૂછપરછ કરશે.
સમન મળ્યાં બાદ ભડક્યાં અભિષેક
CBIની તરફથી સમન મળ્યાં બાદ અભિષેક બેનર્જીએ BJP પર નિશાન સાધ્યું હતું. તેમણે ટ્વિટ કર્યું કે 'ભાજપ મને હેરાન કરવા અને ટાર્ગેટ બનાવવાનાં લક્ષ્યથી CBI અને EDને કોર્ટનાં આદેશનો ભંગ કરવાનું સૂચન કર્યું છે. સુપ્રીમ કોર્ટે સવારે કોલકત્તા હાઈકોર્ટનાં એ આદેશ પર રોક લગાવી દીધી હતી જેમાં કેન્દ્રીય એજન્સીઓને મને સમન મોકલવાની પરવાનગી આપવામાં આવી હતી. તેમ છતાં આજે બપોરે 1.45 વાગ્યે મને સમન આપવામાં આવ્યું. આ ગંભીર સ્થિતિ છે.'
આ મામલા પર SC 24 એપ્રિલનાં સુનાવણી કરશે
સુપ્રીમ કોર્ટે આજે કલકત્તા HCનાં 13 એપ્રિલનાં એ આદેશ પર રોક લગાવી જેમાં પશ્ચિમ બંગાળ પોલીસને સ્કૂલ ભરતી કૌભાંડની તપાસ કરી રહેલા CBI અને ED અધિકારીઓની સામે FIR ન કરવાનો આદેશ આપવામાં આવ્યો હતો. CJI ચંદ્રચૂડ, જસ્ટિસ પી.એસ.નરસિમ્હા અને જસ્ટિસ જે.બી. પારદીવાલાની પીઠએ આ નિર્ણય સંભળાવ્યો હતો. HCની પીઠે એ આદેશ પર પણ રોક લગાવી હતી કે અભિષેક બેનર્જી અને કુંતલ ઘોષથી ED અને CBI પૂછપરછ કરી શકે છે અને આ પૂછપરછ જલ્દી થવી જોઈએ. જો કે આ મામલાની અરજી પર SC 24 એપ્રિલનાં સુનાવણી કરશે.
