Car Tips / કાર લઈ લીધી પણ પાર્કિંગમાં મૂકી જ રાખો છો? તો ગાડીમાં થઈ શકે છે આ 4 નુકસાન, જાણો ડિટેલ્સ

• કાર ઓછી ચલાવવામાં આવે તો પણ ગેરફાયદા થાય
• ગાડી ઓછી ચલાવવાથી કારમાં ઘણી સમસ્યાઓ પણ થાય 
• કારને પાર્ક કરીને રાખવામાં આવે તો કારને કાટ લાગી જાય

પેટ્રોલ અને ડીઝલના ઉંચા ભાવને કારણે લોકો ઘણીવાર તેમની કાર ઓછી ચલાવવાનું પસંદ કરે છે. પરંતુ આવું કરવાથી કારમાં ઘણી સમસ્યાઓ પણ થાય છે. આ સમાચારમાં અમે તમને જણાવી રહ્યા છીએ કે જો કાર ઓછી ચલાવવામાં આવે તો કઇ ચાર સમસ્યાઓ આવી શકે છે.

કાટ લાગવાનું જોખમ

જો કારને એક જગ્યાએ લાંબા સમય સુધી પાર્ક કરીને રાખવામાં આવે તો કારને કાટ લાગવાનું જોખમ વધી જાય છે. આવું એટલા માટે થાય છે કારણ કે જ્યારે કારને એક જગ્યાએ લાંબા સમય સુધી પાર્ક કરવામાં આવે છે, ત્યારે કારની આસપાસ માટી જમા થાય છે. આ માટી કાર પર પણ જમા થવા લાગે છે અને પછી જ્યારે પાણી નાખવામાં આવે છે, ત્યારે ભેજ લાંબા સમય સુધી એક જગ્યાએ રહે છે. એક જગ્યાએ ભેજ અને માટી હોવાને કારણે કાટ લાગવા લાગે છે.

બ્રેક નુકસાન

પાર્ક કરેલી કાર પર હેન્ડબ્રેક લગાવવાથી પણ કારને નુકસાન થાય છે. જો કાર લાંબા સમય સુધી પાર્ક કરેલી હોય ત્યારે હેન્ડબ્રેક ચાલુ રાખવામાં આવે તો, બ્રેક શૂ મેટલ સાથે ચોંટી જાય છે. આવું થાય ત્યારે બ્રેક શૂ બગડી જાય છે અને મિકેનિક પાસે ગયા પછી જ કાર રિપેર થાય છે.

ટાયરને નુકસાન થાય

જો કારનો લાંબા સમય સુધી ઉપયોગ ન થાય તો કારના ટાયર પર પણ વિપરીત અસર થાય છે. કારને લાંબા સમય સુધી એક જગ્યાએ પાર્ક રાખવાથી કારના ટાયરના અમુક ભાગો પર વધુ દબાણ આવે છે. આ સિવાય કારના ટાયરમાં રહેલી હવા પણ ધીરે ધીરે ઓછી થવા લાગે છે. એક જગ્યાએ ઓછી હવા અને દબાણને કારણે ટાયર સુકવા લાગે છે. જ્યારે આવું થાય છે, ત્યારે ટાયર ઝડપથી બગડે છે.

વધુ વાંચો : "જાણીને લાગશે આંચકો! જાન્યુઆરીમાં આ કંપનીએ વેચી નાખી સૌથી વધુ કાર, સેલ રિપોર્ટે બજારમાં પડાવી બૂમ"

બેટરી પર ખરાબ અસર પડે છે

જો કાર લાંબા સમય સુધી પાર્ક કરવામાં આવે તો બેટરી ડિસ્ચાર્જ થઈ શકે છે. આવું થાય છે કારણ કે કાર ચાલતી હોય ત્યારે બેટરી ચાર્જ થતી રહે છે. પરંતુ જો કાર બંધ રહે તો બેટરીમાં કરંટ ધીમે ધીમે ઓછો થવા લાગે છે. જો આવું વારંવાર થાય છે, તો બેટરી ઝડપથી બગડી શકે છે.