કામની ખબર / એપ્રિલમાં ટ્રેનથી મુસાફરી કરનારા સાવધાન! રેલવે વિભાગે રદ કરી 14 મોટી ટ્રેન

એપ્રિલ મહિનો શરૂ થઈ ગયો છે અને ટ્રેન દ્વારા મુસાફરી કરવાનું આયોજન કરી રહેલા મુસાફરો માટે મહત્વપૂર્ણ સમાચાર સામે આવ્યા છે. સાઉથ ઈસ્ટ સેન્ટ્રલ રેલ્વે (SECR) ના બિલાસપુર-રાયપુર રૂટ પર દોડતી કેટલીક ટ્રેનોને કામચલાઉ ધોરણે રદ કરવાનો નિર્ણય ભારતીય રેલ્વેએ લીધો છે, આ નિર્ણયને કારણે વિવિધ રાજ્યોના મુસાફરોને અસુવિધા થઈ શકે છે.

રેલવે હાલમાં આ રૂટ પર મોટા પાયે સમારકામ અને વિકાસના કામો હાથ ધરી રહી છે. ગોંદિયા સ્ટેશન પર પ્લેટફોર્મનું સમારકામ અને ટ્રેકમાં સુધારણાનું કામ ચાલી રહ્યું છે, જેના કારણે મુખ્ય લાઇનને કામચલાઉ ધોરણે બંધ રાખવી પડી રહી છે. આ ઉપરાંત, ઝારસુગુડા સેક્શનમાં નવી લાઇન નાખવાનું અને અકલતારા સ્ટેશન પર યાર્ડના આધુનિકીકરણનું કામ પણ પ્રગતિ હેઠળ છે. આ કામગીરીને કારણે ટ્રેન વ્યવહાર પર અસર પડી છે.

કયા કયા રાજ્યો પર પડશે ટ્રેન રદ થવાની અસર?

આ નિર્ણયની અસર માત્ર છત્તીસગઢ પૂરતી જ સીમિત રહેશે નહીં. મહારાષ્ટ્ર, પશ્ચિમ બંગાળ, ઓડિશા, મધ્ય પ્રદેશ અને દિલ્હીના મુસાફરોએ પણ તેના પરિણામોનો સામનો કરવો પડી શકે છે, કારણ કે આ રાજ્યોને જોડતી ઘણી મુખ્ય ટ્રેનો રદ કરવામાં આવી છે. રેલવેએ 5 એપ્રિલથી 24 એપ્રિલની વચ્ચે વિવિધ તારીખોએ કુલ 14 ટ્રેનો રદ કરી છે. તેમાં 10 એક્સપ્રેસ ટ્રેનો અને 4 પેસેન્જર ટ્રેનોનો સમાવેશ થાય છે. કેટલીક મુખ્ય ટ્રેનોમાં શાલીમાર-લોકમાન્ય તિલક ટર્મિનસ એક્સપ્રેસ, કોરબા-અમૃતસર છત્તીસગઢ એક્સપ્રેસ, હઝરત નિઝામુદ્દીન-રાયગઢ ગોંડવાના એક્સપ્રેસ, ગીતાંજલિ એક્સપ્રેસ અને વિશાખાપટ્ટનમ-હઝરત નિઝામુદ્દીન એક્સપ્રેસનો સમાવેશ થાય છે.

અહીં છે લિસ્ટ

• ટ્રેન નંબર 12807 – વિશાખાપટ્ટનમ-હઝરત નિઝામુદ્દીન એક્સપ્રેસ વિવિધ તારીખોએ રદ કરવામાં આવી છે
• ટ્રેન નંબર 12410 – હઝરત નિઝામુદ્દીન-રાયગઢ ગોંડવાના એક્સપ્રેસ નિર્ધારિત તારીખોએ રદ કરવામાં આવી છે
• ટ્રેન નંબર 18237 – કોરબા-અમૃતસર છત્તીસગઢ એક્સપ્રેસ 5 એપ્રિલથી 25 એપ્રિલ સુધી રદ કરવામાં આવી છે
• ટ્રેન નં. 12101 – લોકમાન્ય ટિળક ટર્મિનસ-શાલીમાર એક્સપ્રેસ વિવિધ તારીખોએ રદ કરવામાં આવી છે
• ટ્રેન નં. 12102 – શાલીમાર-લોકમાન્ય ટિળક ટર્મિનસ એક્સપ્રેસ વિવિધ તારીખોએ રદ કરવામાં આવી છે
• ટ્રેન નં. 12808 – હઝરત નિઝામુદ્દીન-વિશાખાપટ્ટનમ એક્સપ્રેસ વિવિધ તારીખોએ રદ કરવામાં આવી છે
• ટ્રેન નં. 18030 – શાલીમાર-લોકમાન્ય તિલક ટર્મિનસ એક્સપ્રેસ 4 એપ્રિલથી 24 એપ્રિલ સુધી રદ
• ટ્રેન નં. 12409 – રાયગઢ-હઝરત નિઝામુદ્દીન ગોંડવાના એક્સપ્રેસ નિર્ધારિત તારીખોએ રદ
• ટ્રેન નં. 18238 – અમૃતસર-બિલાસપુર છત્તીસગઢ એક્સપ્રેસ 7 એપ્રિલથી 27 એપ્રિલ સુધી રદ
• ટ્રેન નં. 18029 – લોકમાન્ય તિલક ટર્મિનસ-શાલીમાર એક્સપ્રેસ 6 એપ્રિલથી 26 એપ્રિલ સુધી રદ

આ પણ વાંચોઃ દિવાળી-છઠ્ઠ પર ઘરે જવાનો કરો છો પ્લાનિંગ? તો દોડશે આ સ્પેશિયલ ટ્રેન્સ, જાણો રૂટ

નોંધ: રેલવેએ મુસાફરોને મુસાફરી કરતા પહેલા તેમની ટ્રેનની સ્થિતિ તપાસવાની સલાહ આપી છે. છેલ્લી ઘડીની અસુવિધા ટાળવા માટે આ હેતુસર NTES એપ અથવા રેલવેની ઓફિશિયલ વેબસાઇટનો ઉપયોગ કરી શકાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ