વરસાદી માહોલ / ગુજરાતમાં વરસાદની ધડબડાટી, આજે બપોર સુધીમાં 117 તાલુકામાં મેઘો થયો મહેરબાન, સૌથી વધુ આ તાલુકામાં વરસ્યો

રાજ્યમાં ચોમાસાએ ફરી જોર પકડતાં આજે બપોરે 12 વાગ્યા સુધી ગુજરાતના 117 તાલુકામાં વરસાદ નોંધાયો છે. અનેક વિસ્તારોમાં મધ્યમથી ભારે વરસાદ વરસતા ખેડૂતોમાં ખુશીનો માહોલ જોવા મળ્યો છે.

અમીરગઢમાં સૌથી વધુ 1.65 મીમી વરસાદ નોંધાયો

12 વાગ્યા સુધી નોંધાયેલા વરસાદના આંકડા મુજબ અમીરગઢમાં સૌથી વધુ 1.65 મીમી વરસાદ નોંધાયો છે. ત્યારબાદ દસ્ક્રોઈમાં 1.54 મીમી, પાલનપુરમાં 1.50 મીમી અને મહેમદાવાદમાં 1.46 મીમી વરસાદ નોંધાયો છે.

અન્ય તાલુકાઓમાં ધાલેરામાં 1.38 મીમી, ધોળકા અને નાનાપોંઢામાં 1.30-1.30 મીમી, ધંધુકા અને ચુડામાં 1.26-1.26 મીમી, કઠલાલમાં 1.22 મીમી તેમજ ખંભાત અને ઠાસરામાં 1.18-1.18 મીમી વરસાદ નોંધાયો છે.

આ ઉપરાંત ડીસા, કપરાડા, શેહરા અને બાયડમાં 1-1 મીમી વરસાદ નોંધાયો છે. રાજ્યના અન્ય વિસ્તારોમાં પણ હળવાથી મધ્યમ વરસાદ વરસ્યો હોવાનું અહેવાલો જણાવે છે.

આ પણ વાંચોઃ રસ્તા પર સાપ દેખાતા સ્ટેરિંગ ફેરવ્યું અને... હકાભા ગઢવીની ફોર્ચ્યુનર ખાબકી પાણીમાં

હવામાનની સ્થિતિને ધ્યાનમાં રાખીને સ્થાનિક તંત્ર દ્વારા જરૂરી સાવચેતી રાખવા અને નીચાણવાળા વિસ્તારોમાં રહેતા લોકોને સતર્ક રહેવા અપીલ કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ