બિઝનેસ / 800 રૂપિયાને પાર GMP! આજથી ખૂલી રહ્યો છે ધમાકેદાર IPO, જોખમ ખેડનારા ફાવશે!

ઓર્કલા ઇન્ડિયા લિમિટેડ (Orkla India Limited) નો IPO આજે, 29 ઓક્ટોબરથી ખુલ્લો થયો છે. કંપનીનો આ IPO 31 ઓક્ટોબર સુધી રોકાણકારો માટે ખુલ્લો રહેશે. કુલ IPOનું કદ ₹1,667.54 કરોડ જેટલું છે. રોકાણકારોમાં આ IPOને લઇને ભારે ચર્ચા ચાલી રહી છે, કારણ કે ગ્રે માર્કેટમાં કંપનીના શેર સારા પ્રીમિયમ પર ટ્રેડ થઈ રહ્યા છે.

પ્રાઇસ બેન્ડ અને રોકાણની વિગતો

કંપનીએ IPO માટે પ્રાઇસ બેન્ડ ₹695 થી ₹730 પ્રતિ શેર નક્કી કર્યો છે. એક લોટમાં 20 શેર રાખવામાં આવ્યા છે. એટલે કે, રોકાણકારોએ ઓછામાં ઓછું ₹14,600નું રોકાણ કરવું પડશે. ખાસ વાત એ છે કે, કંપની તેના કર્મચારીઓને ₹69 પ્રતિ શેરનું ડિસ્કાઉન્ટ આપી રહી છે. આ IPOમાં રોકાણની તક માત્ર ત્રણ દિવસ 29 થી 31 ઓક્ટોબર સુધી ઉપલબ્ધ છે.

ગ્રે માર્કેટ પ્રીમિયમ (GMP) શું કહે છે?

હાલમાં ઓર્કલા ઇન્ડિયા લિમિટેડનો IPO ગ્રે માર્કેટમાં ₹77 ના પ્રીમિયમ પર ટ્રેડ થઈ રહ્યો છે. એટલે કે, જો આ વલણ ચાલુ રહેશે તો કંપનીના શેરની લિસ્ટિંગ ₹800 થી ઉપર થઈ શકે છે. જોકે, અગાઉ કંપનીનો GMP લગભગ ₹145 સુધી પહોંચ્યો હતો, એટલે હાલના પ્રીમિયમમાં થોડી ઘટાડો જોવા મળી રહ્યો છે.

IPOની રચના અને મેનેજમેન્ટ

• આ IPO સંપૂર્ણપણે Offer for Sale છે, એટલે કે, આમાંથી કોઈ નવી મૂડી ઊભી થવાની નથી. કંપનીએ પોતાના IPOમાં
• 50% હિસ્સો લાયક સંસ્થાકીય ખરીદદારો (QIBs) માટે,
• 35% છૂટક રોકાણકારો (Retail Investors) માટે, અને
• 15% બિન-સંસ્થાકીય રોકાણકારો (NIIs) માટે અનામત રાખ્યો છે.
• કંપનીએ ICICI Securities Limited ને બુક-રનિંગ લીડ મેનેજર તરીકે અને KFin Technologies Limited ને રજિસ્ટ્રાર તરીકે નિયુક્ત કર્યા છે.

ઓર્કલા ઇન્ડિયા લિમિટેડનો IPO હાલ બજારમાં ચર્ચાનો વિષય છે. જો કે GMPમાં થોડી ઘટાડો થયો છે, છતાં રોકાણકારો હજુ પણ તેમાં રસ દાખવી રહ્યા છે. જો બજારની સ્થિતિ સ્થિર રહી, તો લિસ્ટિંગના દિવસે રોકાણકારોને સારો લાભ મળી શકે છે. પરંતુ દરેક રોકાણની જેમ, તેમાં જોખમનો અંશ હંમેશા રહે છે — એટલે વિચારપૂર્વક પગલું ભરવું મહત્વપૂર્ણ છે.

આ પણ વાંચો : મહિને 25000 હજારની આવક હોય તો કપાશે PF, EPFO મોટા ફેરફારની ફિરાકમાં

DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ