સર્વે / ઘરનું ઘર ખરીદવાનું સપનું માત્ર સપનું જ રહી જશે? સામે આવ્યો ચોંકાવનારો સર્વે, મુંબઈમાં તો...!

Buying Home: એવું લાગી રહ્યું છે કે ભારતમાં લોકો માટે ઘર ખરીદવુંએ ખૂબ મુશ્કેલ થઈ ગયું છે. તાજેતરમાં એક સર્વે મુજબ 81% લોકો ઘરની વધતી કિંમતના લીધે સતત ચિંતિત છે, કારણ કે છેલ્લા 2 વર્ષમાં જ ઘરના ભાવમાં 50% થી વધારે વધારો જોવા મળ્યો છે. લોકો હવે ઘરની વધતી જતી કિંમતના લીધે પોતાનું ઘર લેવાને બદલે ભાડાના ઘરમાં રહેવાનું પસંદ કરે છે.

ANAROCK ના 'કન્ઝ્યુમર સેન્ટિમેન્ટ સર્વે H1 2025' મુજબ ભારતના 7 મોટા શહેરોમાં ઘરની સરેરાશ કિંમતોમાં નોંધપાત્ર વધારો થયો છે. જેના મુખ્ય કારણો આ મુજબ હોઈ શકે છે. Q2 2023 માં પ્રતિ ચોરસ ફૂટ 6001 રૂપિયાની સરેરાશ કિંમત વધીને Q2 2025 સુધીમાં 8990 રૂપિયા પ્રતિ ચોરસ ફૂટ થઈ ગઈ છે. આ સર્વે સસ્તા ઘરના બજારમાં એક મોટો ગેપ છે. 62% સંભવિત ખરીદદારો ઉપલબ્ધ વિકલ્પોથી ખુશ નથી. જ્યારે 92% ખરીદદારો આવા પ્રોજેક્ટ્સના લોકેશનથી ખુશ નથી. આ ડેટા દર્શાવે છે કે શહેરોમાં ઘર ખરીદવું વધુ મોંઘું બન્યું છે અને સસ્તા ઘરની શોધમાં રહેલા ગ્રાહકો ગુણવત્તા અને લોકેશનને લઈને ચિંતિત છે.

મુંબઈનો અનોખો ટ્રેન્ડ

• ANAROCK ગ્રુપના ચેરમેન અનુજ પુરીએ જણાવ્યું કે ભારતના મોટાભાગના શહેરોમાં ઘર ખરીદનારાઓ વધતી કિંમતોને લઈને ચિંતિત છે. પરંતુ મુંબઈમાં આશ્ચર્યજનક રીતે અલગ વલણ જોવા મળ્યું છે.
• અનુજ પુરીના જણાવ્યા મુજબ, ભારતના સૌથી મોંઘા રિયલ એસ્ટેટ માર્કેટ મુંબઈમાં માત્ર 39% ખરીદદારોએ જ કિંમતો વિશે વધુ ચિંતા વ્યક્ત કરી. બાકીના 61% ખરીદદારોનો પ્રતિભાવ ઘણો અલગ હતો.
• 20% ખરીદદારો ભાવવધારાથી બિલકુલ ચિંતિત નહોતા.
• 41% ખરીદદારોએ ભાવવધારા અંગે થોડી ચિંતા વ્યક્ત કરી.

આ આંકડા દર્શાવે છે કે મુંબઈમાં ઘણા ખરીદદારો અન્ય શહેરોની સરખામણીમાં રિયલ એસ્ટેટના ઊંચા ભાવોથી ઓછી ચિંતા અનુભવે છે.

8000 લોકોએ સર્વેમાં લીધો ભાગ

8 સપ્ટેમ્બરના રોજ પ્રકાશિત થયેલા એક સર્વેમાં લગભગ 8250 લોકોએ ભાગ લીધો હતો. જેના મુખ્ય તારણો આ મુજબના છે.

• મોટા ભાગના ખરીદદારોની પસંદગી: સર્વેમાં ભાગ લેનારા 36% થી વધુ લોકોની પહેલી પસંદગી 90 લાખથી 1.5 કરોડની કિંમતના ઘર છે. જે દર્શાવે છે કે તેમનો ઝુકાવ હવે પ્રીમિયમ અને લક્ઝરી પ્રોપર્ટી તરફ વધ્યો છે.
• મધ્યમ વર્ગના ઘર: જ્યારે લગભગ 25% લોકો 45 લાખથી 90 લાખની વચ્ચેના ઘરો પસંદ કરે છે.

સસ્તા ઘરોની માંગમાં ઘટાડો: 45 લાખથી ઓછી કિંમતના સસ્તા ઘરોની માંગમાં નોંધપાત્ર ઘટાડો થયો છે. 2020ના પ્રથમ 6 મહિનામાં 40%ની સરખામણીએ, 2025ના પ્રથમ 6 મહિનામાં આ આંકડો ઘટીને માત્ર 17% થઈ ગયો છે.

• મોટા ઘરોની માંગ: સર્વે મુજબ મોટા ઘરોની માંગ યથાવત છે. જેમાં 45% લોકો ૩BHK ઘરને પસંદ કરે છે.

વધુ વાંચો: કમાલ કા હૈ યે સ્ટોક! 6 જ મહિનામાં રોકાણકારોના રૂપિયા ડબલ કરી નાખ્યા

નવા સપ્લાયમાં ઘટાડો

ANAROCK ગ્રુપના ચેરમેન અનુજ પુરીના જણાવ્યા અનુસાર છેલ્લા બે વર્ષમાં 7 મુખ્ય શહેરોમાં પોસાય તેવા ઘરોનો નવો પુરવઠો નોંધપાત્ર રીતે ઘટ્યો છે. 2023ના પ્રથમ છ મહિનામાં આ સપ્લાય 18% હતો, જે 2025ના પ્રથમ છ મહિનામાં ઘટીને માત્ર 12% થઈ ગયો છે. આ અંગે આ ફિલ્ડન એક્સપર્ટનું માનવું છે કે જમીનની અછત, શહેરો તરફ લોકોનું વધતું સ્થળાંતર અને સતત માળખાગત વિકાસને કારણે આ માર્કેટ વધુ મજબૂત બન્યું છે. જો કે આ સર્વેમાં એ પણ બહાર આવ્યું છે કે તૈયાર ઘરોની માંગ હવે ઘટી રહી છે. અને ખરીદદારોની પસંદગીમાં તે સૌથી નીચેના સ્થાને છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ