માર્કેટ / સરકારના એક નિર્ણયથી ITC-Godfrey Phillips ના શેર ધરાશાયી, સિગારેટ પીનારાઓને પણ ઝટકો!

ITC And Godfrey Phillips Share Price: નવા વર્ષ પર શેર બજારમાં સિગારેટ બનાવતી કંપનીઓને મોટો ઝટકો લાગ્યો છે. આઇટીસી અને ગોડફ્રે ફિલિપ્સના શેર આજે લગભગ 8ટકા ઘટ્યા છે.

નવા વર્ષના પહેલા દિવસે સિગારેટ પીનારાઓ અને તમાકુ કંપનીઓને મોટો ઝટકો લાગ્યો છે. ગુરુવાર 1 જાન્યુઆરીએ શેરબજાર ખુલતાની સાથે સિગારેટ સંબંધિત કંપનીઓમાં ભારે ઘટાડો થવા લાગ્યો. આઇટીસી અને ગોડફ્રે ફિલિપ્સના શેર 8 ટકા સુધી ઘટ્યા. કેન્દ્ર સરકારે સિગારેટ પર એક્સાઇઝ ડ્યુટી લાદવાનો મહત્વપૂર્ણ નિર્ણય લીધો છે, જેની સીધી અસર ધૂમ્રપાન કરનારાઓ અને સિગારેટ ઉત્પાદકો બંનેના નફા પર પડશે.

સિગારેટ પર એક્સાઇઝ ડ્યુટીમાં વધારો

બુધવારે મોડી રાત્રે નાણા મંત્રાલય દ્વારા એક આદેશ જારી કરવામાં આવ્યો હતો. આ આદેશમાં સરકારે સિગારેટની લંબાઈના આધારે પ્રતિ હજાર સ્ટીક પર 2,050 થી 8,500 સુધીની એક્સાઇઝ ડ્યુટી લાદવાનો નિર્ણય લીધો છે. આ નવો નિયમ આવતા મહિને એટલે કે 1 ફેબ્રુઆરીથી અમલમાં આવશે. આનો અર્થ એ થયો કે સિગારેટના દરેક પેકેટ પર ટેક્સનો બોજ વધશે.

આ પણ વાંચોઃ પ્રોપર્ટી ટેક્સ ભરનારને મોટી રાહત! આજથી 31 માર્ચ સુધી વ્યાજ માફી સ્કીમ અમલી

આવતા મહિનાથી 40 ટકાના દરે GST લાગશે

આ નવી એક્સાઇઝ ડ્યુટી જીએસટી દરો ઉપર વસૂલવામાં આવશે. અત્યાર સુધી આ પ્રોડક્ટસ પર જે કંપેંસેશન સેસ વસુલાતો હતો આ નવી ડ્યુટી તેની જગ્યા લેશે. અહેવાલો અનુસાર સિગારેટ અને તમાકુ સંબંધિત ઉત્પાદનો પર ગુડ્સ એન્ડ સર્વિસ ટેક્સ દર આવતા મહિનાથી 40 ટકા થશે. સરકારના આ પગલાને આવક વધારવા અને સિન ગુડ્સ પર લગામ કસવાના માર્ગ તરીકે જોવામાં આવી રહ્યું છે.

શેર 8 ટકા સુધી ઘટ્યા

નોંધનીય છે કે ગુરુવારે બોમ્બે સ્ટોક એક્સચેન્જ પર ITC શેર 4.14ટકા ઘટીને રૂ. 386.30 ની નીચી સપાટીએ પહોંચ્યા. દરમિયાન ગોડફ્રે ફિલિપ્સના શેર 8ટકાના ભારે ઘટાડા સાથે રૂ. 2540.15 પર આવી ગયા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ