બિઝનેસ / 3 જ વર્ષમાં આપ્યું 6350 % રિટર્ન, આ પેની સ્ટોકે રોકાણકારોને કરી દીધા માલામાલ!

જો તમે પણ શેર બજારમાં રોકાણ કરવા ઈચ્છો છો તો હાલ શેર બજારમાં એક પેની શેરે રોકાણકારોને ખરેખર માલામાલ કરી દીધા છે. માત્ર 3 વર્ષમાં આ સ્ટોકે અદભૂત રિટર્ન આપ્યું છે.

એવાન્સ ટેક્નોલોજીસએ છેલ્લા ત્રણ વર્ષમાં 6,350% રિટર્ન આપીને સૌને ચોંકાવી દીધા છે. મંગળવારે આ શેર BSE પર 2.58 રૂપિયા સુધી પહોંચી ગયો હતો, જે તેનો રેકોર્ડ હાઈ છે. કંપનીનું માર્કેટ કેપ હવે 511.33 કરોડ રૂપિયા થઈ ગયું છે, જે તેને પેની સ્ટોકમાંથી મોટી કેટેગરીમાં લઈ જાય છે.

ગત ત્રણ મહિનામાં જોવા મળી તેજી

કંપનીના શેરે 9 જુલાઇ 2025થી અત્યાર સુધી સતત 43 ટ્રેડિંગ સેશનમાં તેજી દર્શાવી છે. આ દરમિયાન સ્ટોકમાં 152%નો ઉછાળો આવ્યો છે. માસિક આધારે જોતા, એપ્રિલથી જ શેર સતત લીલા નિશાન પર રહ્યો છે અને એપ્રિલથી અત્યાર સુધી આ શેરે 268% જેટલુ જબરદસ્ત રિટર્ન આપ્યું છે.

ગયા ત્રણ મહિનામાં આ સોફ્ટવેર શેરમાં જબરદસ્ત 255% નો ઉછાળો આવ્યો છે. માત્ર બે વર્ષમાં IT શેરમાં 821% નો વધારો થયો છે, જે તેના ભવિષ્યની ક્ષમતાને દર્શાવે છે. કંપનીની Q1 આવક 496% વધીને 25.21 કરોડ રૂપિયા થઈ ગઈ છે. જોકે, માર્ચ 2025ના ત્રિમાસિક ગાળામાં કંપનીને 37.80 લાખ રૂપિયાનું નુકસાન થયું હતું.

કંપની વિશે માહિતી

એવાન્સ ટેકનોલોજી એ એક સોફ્ટવેર પ્રોડક્ટ્સ કંપની છે. તેમની અધિકારીક વેબસાઇટ મુજબ, કંપની એવા નેટવર્ક સિસ્ટમ બનાવવામાં અને મેનેજ કરવામાં ધ્યાન આપે છે જે ક્લાયન્ટ્સને જોડાયેલ રહેવામાં, પ્રદર્શન સુધારવામાં અને ડેટાને સુરક્ષિત રાખવામાં મદદ કરે છે.

વધુ વાંચો : GST રિફોર્મથી શેર માર્કેટમાં ઉછાળો, રોકાણકારોએ 12.30 લાખ કરોડ કમાઇ લીધા

એવાન્સ ટેકનોલોજીના શેર ESMના સ્ટેજ 2માં છે, એટલે તેના ટ્રેડિંગ પર 2% નો પ્રાઈસ બેન્ડ લાગુ છે. ઉપરાંત, શેરનું ટ્રેડિંગ Periodic Call Auction મારફતે થાય છે, કારણ કે તેની લિક્વિડિટી ઓછી છે. રોકાણ કરતા પહેલાં કંપનીનો રિપોર્ટ, બજારની સ્થિતિ અને તેમાં રહેલા જોખમને સારી રીતે સમજવું અત્યંત જરૂરી છે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ