બુધ ગોચર / આ તારીખે બુધ ગોચર થતા બનશે લક્ષ્મીનારાયણ યોગ, રાતોરાત ચમકી જશે અનેક રાશિના ભાગ્ય

• 25 જુલાઈના રોજ બુધ ગ્રહનું સિંહ રાશિમાં ગોચર
• લક્ષ્મી નારાયણ યોગનું નિર્માણ
• કઈ રાશિના જાતકો માટે આ યુતિ શુભ સાબિત

વૈદિક જ્યોતિષ અનુસાર તમામ ગ્રહ નિશ્ચિત સમયે રાશિ પરિવર્તન કરીને અન્ય રાશિમાં પ્રવેશ કરે છે. 25 જુલાઈના રોજ બુધ ગ્રહનું સિંહ રાશિમાં ગોચર થશે. બુધનું આ ગોચર ખૂબ જ ખાસ માનવામાં આવી રહ્યું છે. બુધ ગોચરના કારણે 25 જુલાઈના રોજ લક્ષ્મી નારાયણ યોગનું નિર્માણ થઈ રહ્યું છે. શુક્ર અને બુધની સિંહ રાશિમાં યુતિ બની રહી છે. જેના કારણે આ શુભ યોગનું નિર્માણ થશે. શુક્ર દેવે 7 જુલાઈના રોજ સિંહ રાશિમાં ગોચર કર્યું હતું અને 25 જુલાઈના રોજ સિંહ રાશિમાં પ્રવેશ કરશે. દરેક ક્ષેત્રમાં સફળ થવા માટે કુંડળીમાં બુધની મજબૂતી જરૂરી હોય છે. જે લોકોની કુંડળીમાં બુધ મજબૂત હોય તેમની વિચારવાની સમજણ શક્તિ પણ ખૂબ જ તેજ હોય છે. 

શુક્ર અને બુધની યુતિના કારણે કેટલીક રાશિના જાતકોને લાભ થશે અને કેટલીક રાશિના જાતકોને નુકસાન થશે. કઈ રાશિના જાતકો માટે આ યુતિ શુભ સાબિત થશે, તે અંગે અહીંયા જાણકારી આપવામાં આવી છે. 

મેષ- નોકરિયાત વ્યક્તિઓ માટે સારો સમય રહેશે. સિનિયર વ્યક્તિઓનો સપોર્ટ મળશે. આર્થિક લાભ થશે. અટકેલું ધન પરત મળશે. 

મિથુન- આરોગ્ય બાબતે આ યુતિ શુભ સાબિત થશે. ટ્રાવેલનો યોગ બનશે. નવા વ્યક્તિઓ સાથે મુલાકાત થશે અને તેનાથી લાભ થશે. તમામ કાર્ય પૂર્ણ થશે. 

તુલા- લક્ષ્મી નારાયણ યોગને કારણે તુલા રાશિના જાતકોને બિઝનેસમાં લાભ થશે. આવકમાં વૃદ્ધિ થશે. કલાત્મક ક્ષેત્રે રુચિ વધશે. 

કુંભ- વિદ્યાર્થીઓ માટે હાલનો સમય સારો રહેશે. ઓફિસમાં સારું પ્રદર્શન કરશો. વેપારીઓ માટે આ સમય લાભકારી સાબિત થશે. દાંપત્ય જીવન સારું રહેશે.