- ગઈકાલે સની દેઓલની ફિલ્મ ગદર 2 થઈ રિલીઝ
- ઓપનિંગ ડે પર જ ફિલ્મે કમાવ્યાં 40 કરોડ
- ઓપનિંગ વિકેન્ડ પર પણ કરી શકે છે જબરદસ્ત કમાણી
સની દેઓલની ફિલ્મ ગદર 2 ગઈકાલે એટલે કે 11 ઑગસ્ટનાં રોજ રિલીઝ થઈ ચૂકી છે. આ ફિલ્મનો ફર્સ્ટ પાર્ટ 2001માં આવ્યો હતો. ગદર 2નો ક્રેઝ ઓડિયંસમાં ઘણો વધારે જોવા મળી રહ્યો છે. ફિલ્મને જોવા માટે થિયેટર્સમાં લાંબી-લાંબી લાઈનો લાગેલી છે. ઓપનિંગ ડે પર જ ફિલ્મ ગદર 2 એ 40 કરોડનું કલેક્શન કરી લીધું છે.
ટ્રેક્ટરો ભરીને લોકો આવી રહ્યાં છે ફિલ્મ જોવા
રાજસ્થાનનાં ભીલવાડામાં આવેલ સિનેમાઘરમાં ફેન્સ સની દેઓલની ફિલ્મ ગદર 2 જોવા માટે ટ્રકો અને ટ્રેક્ટરોમાં બેસીને આવતાં દેખાયા હતાં. ફેન્સનો બોલિવૂડ ફિલ્મ માટેનો આટલો ક્રેઝ ઘણાં વર્ષો પછી જોવા મળ્યો હશે.
ગદર 2 વિકએન્ડ પર કેટલી કમાણી કરી શકે છે?
ગદર 2માં તારા સિંહ અને સકીનાનાં આઈકોનિક પાત્રમાં સની દેઓલ અને અમીષા પટેલની જોડી દેખાઈ રહી છે. આ ફિલ્મને પહેલા દિવસે જોવા માટે ભીડ ઊમટી હતી. તમામ શોઝ હાઉસ ફુલ રહ્યાં હતાં. પહેલા જ દિવસે ફિલ્મે 40.10 કરોડની બંપર કમાણી કરી લીધી. બીજા દિવસે પણ આ ફિલ્મે ધમાકેદાર રેકોર્ડ બનાવ્યો છે. કેટલાક રિપોર્ટસ્ અનુસાર શનિવાર એટલે કે આજે આ મૂવી 45 કરોડ જેટલું કલેક્શન કરી શકે છે. જો આ જ આંકડો રહ્યો તો શનિ-રવિ 2 દિવસમાં આ ફિલ્મ 82.10 કરોડની કમાણી કરી લેશે.
ઓપનિંગ વિકેન્ડ પર 100 કરોડ કમાઈ શકવાનો અંદાજો
ગદર 2નો જાદૂ બોક્સ ઓફિસ પર ચાલી રહ્યો છે. ફિલ્મને લઈને જે રીતે ફેંસ ઉત્સાહિત છે તેને જોઈને એવું લાગી રહ્યું છે કે ઓપનિંગ વિકેન્ડ પર આ ફિલ્મ 100 કરોડનો આંકડો પણ પાર કરી જશે. મળી રહેલા ફિલ્મનાં જબરદસ્ત રિસ્પોન્સથી મેકર્સ પણ ખુશ દેખાઈ રહ્યાં છે. આ સાથે જ જબરદસ્ત કમાણી બાદ 65 વર્ષીય સની દેઓલની ગદર 2 તેમના કરિયરની સૌથી મોટી હિટ ફિલ્મ બનવાની તૈયારીમાં છે.
