મનોરંજન / 48 વર્ષે પણ કામણગારી કાયા! કેવી રીતે ફિટ રહે છે શકીરા?, સિમ્પલ ડાયટનો કમાલ

કોલંબિયન ગાયિકા શકીરા, જેને દુનિયાએ “વાકા વાકા (એસ્ટો એસ આફ્રિકા)” ગીતથી ઓળખી, આજે પણ પોતાના ફિટ અને એનર્જેટિક ડાન્સથી ચાહકોને મંત્રમુગ્ધ કરે છે. 48 વર્ષની ઉંમરે પણ તેનું સ્ટેમિના અને ફિટનેસ જોઈને લોકો આશ્ચર્યચકિત થઈ જાય છે. આ ફિટનેસ પાછળ તેની દિનચર્યા અને ડાયેટ પ્લાનનો મોટો હાથ છે, જે તેના ટ્રેનર અન્ના કૈસરે તાજેતરમાં શેર કર્યો છે.

શકીરાનો વર્કઆઉટ રૂટિન ડાન્સ અને સ્ટ્રેન્થ ટ્રેનિંગનું મિશ્રણ છે. તે મોટાભાગના દિવસોમાં ડાન્સ-કાર્ડિયો કરે છે, જે તેના આખા શરીરને સક્રિય રાખે છે અને ચરબી ઝડપથી બર્ન કરવામાં મદદ કરે છે. જો કોઈ દિવસે સમય ન મળે તો તે મશીન પર કાર્ડિયો કરે છે. તેના ટ્રેનર કહે છે કે તે દરેક વખતે નવા ડાન્સ મૂવ્સ શીખે છે, જેને તે પછી પોતાના સ્ટેજ પરના પરફોર્મન્સમાં સામેલ કરે છે. ડાન્સ દરમિયાન શકીરા ખૂબ પરસેવો પાડે છે અને પછી નાળિયેર પાણી પીને શરીરને ઉર્જા આપે છે.

સ્ટ્રેન્થ ટ્રેનિંગ પણ એક કારણ છે

તે ફક્ત ડાન્સ જ નથી કરતી, પરંતુ સ્ટ્રેન્થ ટ્રેનિંગ સત્રો પણ કરે છે, જેમાં તે 3 થી 4 કિલો વજન ઉપાડે છે. આ કસરત તેના સ્નાયુઓને ટોન કરે છે અને ચયાપચય વધારીને શરીરને વધુ ફિટ રાખે છે. શકીરા એવી કસરત કરે છે જે મન અને શરીર બંનેને સક્રિય રાખે છે. તે ઓછી અસરવાળી કાર્ડિયો કસરત કરે છે, જે ઈજાનું જોખમ ઘટાડે છે અને સહનશક્તિ વધારે છે.

આ પણ વાંચો : દિલજીત દોસાંઝ અમિતાભ બચ્ચનના પગે પડ્યો તો ખાલિસ્તાની આતંકીઓ ઉકળી ઉઠયા, સિંગરને આપી ધમકી

નાસ્તામાં તે ઓમેલેટ ખાઇ

વર્કઆઉટ બાદ શકીરા ફરી ડાન્સ કરે છે જેથી તેનો મૂડ ફ્રેશ રહે અને શરીરને નવી ઉર્જા મળે. આ જ કારણ છે કે ડાન્સ તેની ફિટનેસમાં મુખ્ય ભૂમિકા ભજવે છે. શકીરાનો આહાર પણ ખૂબ જ સંતુલિત છે. નાસ્તામાં તે ઓમેલેટ અને લીલા શાકભાજી લે છે, બપોરે સલાડ અને પ્રોટીન જેવા કે ચિકન અથવા માછલી ખાય છે. રાત્રે તે હળવું ખોરાક લે છે, જેમાં પ્રોટીન અને બાફેલા શાકભાજીનો સમાવેશ થાય છે. તે જંક ફૂડ અને ખાંડથી દૂર રહે છે અને શરીરને હાઇડ્રેટ રાખવા માટે પૂરતું પાણી તથા નાળિયેર પાણી પીવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ