બોલિવૂડ / ગદર-2 કે OMG-2, પ્રથમ દિવસે કોણે તોડયા કમાણીના રેકોર્ડ, સન્ની પાજીની બલ્લે બલ્લે, ખેલાડીની ધીમી રફતાર

• 'ગદર-2' અને OMG 2 બંને આજે રિલીઝ થઈ
• 27 વર્ષો પહેલાં આ બંને સ્ટારની મૂવી વચ્ચે થઈ હતી ટક્કર
• આ વખતે કોણ કરશે રેકોર્ડ બ્રેક?

11 ઑગસ્ટનાં રોજ બોક્સ ઓફિસ પર બોલીવુડની 2 મોટી ફિલ્મો રિલીઝ થઈ ગઈ છે. એક છે સની દેઓલની ફિલ્મ 'ગદર 2' જ્યારે બીજી મોટી ફિલ્મ છે અક્ષય કુમારની 'OMG 2'. બંને ફિલ્મોને લઈને દર્શકોનાં રિવ્યૂ સામે આવવા લાગ્યાં છે. ગદર 2 અને OMG 2માં કમાણીનાં મામલામાં અત્યારસુધીમાં કોણ આગળ છે તે જોવાનું રહ્યું.

#OneWordReview...#OMG2: COURAGEOUS.
Rating: ⭐️⭐️⭐️⭐️
Bold. Brave. Progressive… It conveys what it intends to without mincing words… #OMG2 has a captivating plot, gripping screenwriting and solid dialogues, but what enhances the impact are the towering performances. #OMG2Review… pic.twitter.com/MRTErxUA8e

— taran adarsh (@taran_adarsh) August 10, 2023

27 વર્ષો પહેલા આ જ સ્ટાર થયાં હતાં આમને-સામને
8 નવેમ્બર 1996નાં સનીની 'ઘાતક' ફિલ્મ રિલીઝ થઈ હતી જ્યારે એ જ દિવસે અક્ષયની ફિલ્મ 'સપૂત' થિયેટર્સમાં લાગી હતી. બંને ફિલ્મોમાંથી દર્શકોનો વધુ પ્રેમ 'ઘાતક' ફિલ્મને મળ્યો હતો. સનીની ફિલ્મે વિશ્વમાં 26.5 કરોડનું ગ્રોસ કલેક્શન કર્યું હતું. ફિલ્મનું બજેટ તો 6.5 કરોડ જ હતું. તેવામાં સની પિક્ચરનાં બજેટે બેગણી કમાણી કરીને બોક્સ ઓફિસમાં જીત મેળવી.બીજી તરફ અક્ષયની ફિલ્મ 'સપૂત'માં સુનીલ શેટ્ટી પણ હતાં. બે સ્ટાર્સ હોવા છતાં પણ લોકોને આ ફિલ્મની સ્ટોરી પસંદ ન આવી. જેના કારણે ફિલ્મે વિશ્વમાં 11.74 કરોડનું ગ્રોસ કલેક્શન કર્યું. આ કમાણી સનીની ફિલ્મની ઈનકમની સરખામણીએ ઘણી ઓછી હતી.

2023માં બદલાશે ઈતિહાસ?
ગદર 2 એ 2001માં રિલીઝ થયેલી ગદર એક પ્રેમ કથાનું સીક્વલ છે. 22 વર્ષ પહેલાં રિલીઝ થયેલી આ ફિલ્મે બોક્સ ઓફિસમાં ધમાલ મચાવી દીધી હતી. તો OMG 2, 2012માં રિલીઝ થયેલી ઓહ માય ગૉડની સીક્વલ છે.  અક્ષય કુમાર અને પરેશ રાવલની ફિલ્મ બોલીવુડની સુપરહિટ ફિલ્મોમાંની એક છે. હવે જોવાનું રહ્યું કે બંને ફિલ્મોની સીક્વલની કમાણીમાં કોણ કેટલું આગળ નિકળે છે. 

ઓપનિંગ ડે પર કોણે કેટલું કલેક્શન કર્યું?
રિપોર્ટ અનુસાર Gadar 2ની બોક્સ ઓફિસ પર ઓપનિંગ ડેની કમાણી 30 કરોડ જેટલી થઈ ગઈ છે. જ્યારે OMG 2એ ઓપનિંગ ડેનાં દિવસે 10 કરોડ જેટલી કમાણી કરી છે. પરંતુ આ બંને ફિલ્મો સાથે ત્રીજી પણ એક ફિલ્મ Jailer કે જેણે બોક્સ ઓફિસ પર આજે ઓપનિંગ ડે પર 29 કરોડ જેટલી કમાણી કરી લીધી છે.