- ગુજરાતની રાજનીતિના સૌથી મોટા સમાચાર
- જય નારાયણ વ્યાસે CM ગહેલોત સાથે કરી મુલાકાત
- પૂર્વ આરોગ્ય મંત્રી છે જય નારાયણ વ્યાસ
ગુજરાતની રાજનીતિના સૌથી મોટા સમાચાર સામે આવી રહ્યા છે. ગુજરાત વિધાનસભાની ચૂંટણી અગાઉ પૂર્વ આરોગ્ય મંત્રી જય નારાયણ વ્યાસે CM ગહેલોત સાથે મુલાકાત કરી છે. ચૂંટણી પહેલા ગહેલોત સાથેની મુલાકાતને લઇને અનેક તર્ક-વિતર્કો સર્જાયા છે અને ચૂટણી પહેલા ગુજરાતને ફટકો પડી શકે તેવી ચર્ચા જાગી છે.
નારાજગીના પગલે કોંગ્રેસમાં થઇ શકે છે સામેલ
ગુજરાત ચૂંટણીને લઇને નેતાઑમાં પક્ષપલટાની હોડ જામી છે. આવી સ્થિતિ વચ્ચે જય નારાયણ વ્યાસ ભાજપથી નારાજ હોવાની ચર્ચા ચાલી રહી છે. તેવામાં પૂર્વ આરોગ્ય મંત્રી જય નારાયણ વ્યાસ રાજસ્થાનના cm અશોક ગેહલોતને મળ્યા હતા. અમદાવાદના સર્કિટ હાઉસ ખાતે બંને નેતાઓ વચ્ચે બેઠક થઈ હતી. જ્યાં 20 મિનિટ જેટલો સમય ગેહલોત સાથે જય નારાયણ વ્યાસની ચર્ચા ચાલી હતી. મહત્વનું છે કે જય નારાયણ વ્યાસ ગત ચૂંટણીમાં પાટણની સિદ્ધપુર બેઠક પર ભાજપમાંથી લડ્યા હતા. હવે નારાજગીના પગલે તેઓ કોંગ્રેસમાં સામેલ થઇ શકે છે.
અલ્પેશ કથીરિયા AAPમાં જોડાશે
ગુજરાત વિધાનસભાની ચૂંટણી પહેલા ગુજરાતમાં પાટીદારોમાં મજબૂત પકડ ધરાવતા અલ્પેશ કથીરિયા AAPમાં જોડાશે. આમ આદમી પાર્ટીના સર્વેસર્વા અને દિલ્હીના મુખ્યમંત્રી કેજરીવાલ ગુજરાત પ્રવાસે છે. ત્યારે આવતીકાલે ગારિયાધરમાં દિલ્હીના મુખ્યમંત્રી કેજરીવાલની સભામા તેઑ આપમાં જોડાઈ તેવું જાણવા મળી રહ્યું છે. નોંધનીય છે કે અરવિંદ કેજરીવાલ ગુજરાતના ત્રણ દિવસના પ્રવાસે આવ્યા છે. ત્યારે કાલે અમરેલીના ગારીયાધારમાં સવારે જનસભાને સંબોધન કરશે. આ દરમિયાન તેમની સાથે પંજાબના મુખ્યમંત્રી ભગવંત માન પણ ગુજરાતની મુલાકાતે છે. આ વેળાએ આપના નેતાઓની હાજરીમાં જ અલ્પેશ કથિરીયા AAPમાં જોડાશે. ઉલ્લેખનીય છે કે અલ્પેશ કથિરીયા પાટીદાર અનામત આંદોલન સમયે હાર્દિક પટેલના સાથી રહી ચૂક્યા છે અને સમાજમાં આગવી ચાહના ધરાવતા હોવાથી AAPને આગામી ચૂંટણીમાં સારો ફાયદો થઇ શકે છે.
