ઓટો ન્યુઝ / બાઈક પ્રેમીઓ આનંદો, ભારતમાં જલદી આવી રહી છે BMWની આ સસ્તી બાઈક, મજા પડી જશે

BMW વર્ષ 2026 ની શરૂઆતમાં ભારતીય માર્કેટમાં તેનું F-450-GS બાઈક લોન્ચ કરે તેવી શક્યતા છે. આ બાઈક મીડ કેપેસીટી એડવેન્ચર સેગમેન્ટમાં એક મોટું ગેમ-ચેન્જર સાબિત થઈ શકે છે. આ બાઇક F 850 GS ની નીચે પોઝીશન કરાશે. તેનું સીરીઝ પ્રોડક્શન પહેલા જ TVS મોટર કંપનીના હોસુર પ્લાન્ટમાં શરૂ થઈ ગયું છે.

BMWના આ F 450 GS બાઈકની મોટી ખાસિયત તેનું એડવાન્સ્ડ ઇલેક્ટ્રોનિક્સ પેકેજ છે જે તેને આ સેગમેન્ટમાં એકદમ યુનિક બનાવે છે. આ બાઇકમાં ટ્રેક્શન કંટ્રોલ, કોર્નરિંગ ABS, ડાયનેમિક બ્રેક કંટ્રોલ અને એન્જિન બ્રેક મેનેજમેન્ટ જેવા ફીચર્સ પણ મળશે. જેમાં રાઇડર્સને Rain, Road અને Enduro જેવા રાઇડિંગ મોડ્સ સ્ટાન્ડર્ડ તરીકે મળશે.

આ બાઈકમાં 6.5-ઇંચ TFT ડિસ્પ્લે, બ્લૂટૂથ કનેક્ટિવિટી, નેવિગેશન સપોર્ટ, હીટેડ ગ્રિપ્સ અને USB-C ચાર્જિંગ પોર્ટ જેવા પ્રીમિયમ ફીચર્સ પણ સામેલ કરાશે. આ સિવાય હાઈ વેરિઅન્ટ પર Enduro Pro મોડ ઓફર કરાશે. આ બાઇકમાં ચાર વેરિઅન્ટ Basic, Exclusive, Sport અને GS Trophy માં રજુ કરાશે.

ચેસિસ અને હાર્ડવેરની દ્રષ્ટિએ આ બાઈકમાં નવી ટ્યુબ્યુલર સ્ટીલ ફ્રેમ ડિઝાઇન કરાઈ છે. તેનું વજન લગભગ 178 કિલો હોઈ શકે છે. તેના સસ્પેન્શનના આગળના ભાગમાં 43 mm અપસાઇડ-ડાઉન ફોર્ક અને પાછળના ભાગમાં એડજસ્ટેબલ મોનોશોક હશે. બ્રેકિંગ માટે ફ્રન્ટમાં Brembo અને રીયરમાં ByBre કોમ્પોનેન્ટ અપાશે.

વધુ વાંચો : Xiaomi 17 Ultra ફોન થયો લોન્ચ, 6800mAh બેટરી અને 200MP કેમેરા સાથે થઇ એન્ટ્રી

જો તેના લુકની વાત કરવી હોય તો તેને  સિગ્નેચર GS લુકમાં જ કન્ટિન્યુ કરાશે. તેમાં હાઈ અને સીધી રાઇડિંગ પોઝિશન, શાર્પ બીક સ્ટાઇલ ફ્રન્ટ અને  X શેપ LED હેડલેમ્પ અપાયો છે. આ બાઇકના એન્જિનમાં નવી 420cc પેરેલલ -ટ્વીન મોટર છે જે 48 bhp અને 43 Nm ટોર્ક જનરેટ કરે છે. તેમાં 135-ડિગ્રી ક્રેન્કપિન ઓફસેટ પણ હશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ