IPL 2024 શરૂ થવામાં થોડા કલાકો બાકી છે અને ચાહકોને એક પછી એક આંચકા મળી રહ્યા છે. જ્યારે એમએસ ધોનીએ ચેન્નાઈ સુપર કિંગ્સની કેપ્ટન્સી છોડી દીધી છે, ત્યારે રાજસ્થાન રોયલ્સને એડમ ઝમ્પાના રૂપમાં મોટો ફટકો પડ્યો છે. રાજસ્થાન રોયલ્સનો સ્ટાર સ્પિનર એડમ ઝમ્પા અંગત કારણોસર IPL 2024માંથી બહાર થઈ ગયો છે. IPL 2024માં રાજસ્થાન રોયલ્સ તેની પ્રથમ મેચ 24 માર્ચે જયપુરમાં લખનૌ સુપર જાયન્ટ્સ સામે રમશે.
આઈપીએલ 2024 મીની હરાજી પહેલા રાજસ્થાન રોયલ્સ દ્વારા એડમ ઝમ્પાને જાળવી રાખવામાં આવ્યો હતો. જામ્પાએ ગત સિઝનમાં 6 મેચ રમી હતી અને આઠ વિકેટ લીધી હતી. તેણે ચેન્નાઈ સુપર કિંગ્સ સામેની મેચમાં ત્રણ વિકેટ લઈને મેચ વિનિંગ ફાળો આપ્યો હતો. જામ્પાએ અગાઉ આઈપીએલમાં રોયલ ચેલેન્જર્સ બેંગ્લોર અને રાઈઝિંગ પુણે સુપરજાયન્ટ સાથે રમતા 20 મેચમાં 29 વિકેટ ઝડપી હતી.
વધુ વાંચો : 'મોહમ્મદ શમી મારા મર્ડરનો પ્લાન કરશે..' પૂર્વ પત્નીએ ઓકયું ઝેર, પોસ્ટ બાદ હડકંપ
અગાઉ રાજસ્થાન રોયલ્સનો ફાસ્ટ બોલર પ્રસિદ્ધ કૃષ્ણ ક્વાડ્રિસેપ્સ સર્જરીને કારણે આખી સિઝનમાંથી બહાર હતો. ફ્રેન્ચાઇઝીએ હજુ સુધી ઝમ્પા અને પ્રસિધ બંનેની બદલીની જાહેરાત કરી નથી. IPL 2024 મીની હરાજીમાં રાજસ્થાન રોયલ્સે પાંચ ખેલાડીઓને ટીમમાં સામેલ કર્યા હતા. ટીમે રોમેન પોવેલ (7.4 કરોડ), શુભમ દુબે (5.80 કરોડ), ટોમ કેડમોર (40 લાખ), નાન્દ્રે બર્જરને (50 લાખ) ખરીદ્યા.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
