IPL 2024માં રોયલ ચેલેન્જર્સ બેંગ્લોરનું પ્રદર્શન કંઈ ખાસ રહ્યું નથી. આ ટીમ અત્યાર સુધી માત્ર એક જ મેચ જીતી શકી છે જ્યારે 6 મેચ હારી છે. સ્વાભાવિક રીતે RCBનું પ્રદર્શન નિરાશાજનક છે પરંતુ તમને જણાવી દઈએ કે આ ટીમ હજુ પણ પ્લેઓફમાં જગ્યા બનાવી શકે છે.
ઈન્ડિયન પ્રીમિયર લીગ 2024માં RCBની ટીમ ઘણી અપેક્ષાઓ સાથે મેદાનમાં ઉતરી હતી. પરંતુ હવે તેના ચાહકોની આશાઓ સતત ઘટી રહી છે અને તેનું મુખ્ય કારણ ટૂર્નામેન્ટમાં ટીમની ખરાબ શરૂઆત છે. IPLની વર્તમાન સિઝનમાં બેંગલુરુ એ 7 મેચ રમી છે પરંતુ માત્ર એક જ મેચ જીતી શકી છે. RCB 6 મેચ હારી ચૂક્યું છે, તેઓ પોઈન્ટ ટેબલમાં સૌથી નીચે છે અને હવે તેમના માટે પ્લેઓફમાં પહોંચવું મુશ્કેલ લાગે છે. જોકે તે હજુ પણ પ્લેઓફની રેસમાં છે. ચાલો તમને જણાવીએ કે પ્લેઓફમાં પહોંચવા માટે આરસીબીએ શું કરવું પડશે?
કેવી રીતે પહોંચશે RCB પ્લેઓફમાં?
RCB પ્લેઓફમાં કેવી રીતે પહોંચશે તે એક મોટો પ્રશ્ન છે. આઇપીએલ 2024 આરસીબી માટે રસ્તો મુશ્કેલ છે પરંતુ અશક્ય નથી. આરસીબીએ આ સિઝનમાં તેની અડધી સફર કવર કરી લીધી છે. મતલબ કે તેણે 7 લીગ મેચ રમી છે અને તેની પાસે 7 વધુ મેચ રમવાની છે. જો બેંગલુરુ આ તમામ 7 મેચ જીતે છે, તો તેના 16 પોઈન્ટ હશે અને તે પ્લેઓફ માટે ક્વોલિફાય થઈ જશે. પરંતુ માત્ર એક હાર તેમને ટુર્નામેન્ટમાં મુશ્કેલીમાં મુકશે. જો કે RCB 14 પોઈન્ટ સાથે પણ ક્વોલિફાઈ કરી શકે છે પરંતુ તે પછી તેને નેટ રન રેટ અને અન્ય ટીમોના પ્રદર્શન પર નિર્ભર રહેવું પડશે. તમને જણાવી દઈએ કે RCBના મુખ્ય કોચ એન્ડી ફ્લાવરે પણ સ્વીકાર્યું છે કે હવે તેમની ટીમ માટે દરેક મેચ નોકઆઉટ છે અને હાર ટીમને બહારનો રસ્તો બતાવી શકે છે.
RCBએ હવે કઈ ટીમોનો સામનો કરવો પડશે?
RCB હવે 21મી એપ્રિલે આગામી મેચમાં કોલકાતા નાઈટ રાઈડર્સ સામે ટકરાશે. જ્યારે 25મી એપ્રિલે ફરી હૈદરાબાદ સામે ટકરાશે. તેના પછી 28મી એપ્રિલે ગુજરાત ટાઇટન્સ સામે રમવું પડશે. ત્યારબાદ RCB અને ગુજરાત ફરી 4 મેના રોજ ટકરાશે. 9 મેના રોજ તેનો મુકાબલો પંજાબ, 12 મેના રોજ દિલ્હી અને 18 મેના રોજ ચેન્નાઈ સુપર કિંગ્સ સામે થશે. તે સ્પષ્ટ છે કે RCBની દરેક મેચ ઘણી મુશ્કેલ હોય છે. મોટી વાત એ છે કે તેના બોલરોનું ફોર્મ પણ ખરાબ છે. આવી સ્થિતિમાં જો RCB પ્લેઓફમાં પહોંચવા માંગે છે, તો તેણે તેની શ્રેષ્ઠ રમત બતાવવી પડશે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
