વિવાદિત / હનુમાનજી ભગવાન નથી, ભક્ત છે, બાદમાં આપણે...: મનોજ મુંતશિરના આ નિવેદને આદિપુરુષ ફિલ્મના વિવાદની આગમાં ઘીનું કામ કર્યું

• આદિપુરુષ ફિલ્મના લેખક મનોજ મુંતશિરે વિવાદિત નિવેદન આપ્યું 
• હનુમાનજી ભગવાનના ભક્ત છે, ભગવાન નથી - મનોજ મુંતશિર
• સોશિયલ મીડિયા પર ખરાબ રીતે ટ્રોલ કરવામાં આવી રહ્યો છે

પ્રભાસ, કૃતિ સેનન અને સૈફ અલી ખાનની ફિલ્મ 'આદિપુરુષ' 16 જૂન 2023ના રોજ રિલીઝ થઈ છે. ફિલ્મની વાર્તા રામાયણ પર આધારિત છે, જેના કારણે સોશિયલ મીડિયા પર યુઝર્સ આદિપુરુષના નિર્માતાઓ સામે ગુસ્સે થયા છે. મેકર્સે રામાયણ પર આધારિત આદિપુરુષમાં ઘણા બાલિશ ડાયલોગ્સ અને એક્શન સીન્સનો ઉપયોગ કર્યો છે. તે જ સમયે આધુનિક રામાયણના નામ પર ફિલ્મમાં ઘણા વિવાદાસ્પદ દ્રશ્યો બતાવવામાં આવ્યા છે. હાલ ફિલ્મમાં રાવણના રોલમાં સૈફ અલી ખાન અને હનુમાનજીના રોલમાં દેવદત્ત નાગેને લઈને ઘણો વિવાદ ચાલી રહ્યો છે.

ફિલ્મના લેખક મનોજ મુંતશિરે વિવાદિત નિવેદન આપ્યું 
પ્રભાસ અને કૃતિ સેનનની ફિલ્મ 'આદિપુરુષ' વિવાદોમાં ફસાયેલી છે.અગાઉ ફિલ્મના સીન અને ડાયલોગની ટીકા થઈ રહી હતી. તે જ સમયે મનોજ મુંતશિરના નિવેદન પર હંગામો થયો છે. તાજેતરમાં જ 'આદિપુરુષ'ના ડાયલોગ રાઈટર મનોજ મુન્તાશીરે દાવો કર્યો છે કે 'હનુમાનજી ભગવાનના ભક્ત છે, ભગવાન નથી '. જ્યારથી મનોજ મુંતશિરનું આ નિવેદન સામે આવ્યું છે ત્યારથી તેને સોશિયલ મીડિયા પર ખરાબ રીતે ટ્રોલ કરવામાં આવી રહ્યો છે. 

હનુમાનજી ભગવાનના ભક્ત છે, ભગવાન નથી
'આદિપુરુષ' રિલીઝ થયા બાદથી મનોજ મુન્તાશીરની ટીકા થઈ રહી છે.લોકો તેમના લખેલા સંવાદો પસંદ નથી કરી રહ્યા, ખાસ કરીને બજરંગબલીના સંવાદો. આવી સ્થિતિમાં મનોજ મુન્તાશીરે ગાલ આપેલા ઈન્ટરવ્યુમાં પોતાનો બચાવ કર્યો અને કહ્યું, "બજરંગબલીએ શ્રી રામની જેમ દાર્શનિક વાતચીત નથી કરતાં તએ હસી મજાક કરે છે કારણ કે હનુમાનજી ભગવાન નથી, તે એક ભક્ત છે પછી આપણે એમને ભગવાન બનાવ્યા છે કારણ કે તેમની ભક્તિમાં એ શક્તિ હતી. "

લોકો થયા ગુસ્સે 
મનોજ મુન્તાશીરના આ નિવેદનથી યુઝર્સે પ્રતિક્રિયા  આપી છે. સોશિયલ મીડિયા પર ટ્વીટ કરીને મનોજ મુન્તાશીરને ઈન્ટરવ્યુ ન આપવાની સલાહ આપી રહ્યા છે.એકે લખ્યું, "સૌપ્રથમ મનોજ મુન્તાશીરે ઈન્ટરવ્યુ આપવાનું બંધ કરી દેવું જોઈએ."બીજાએ લખ્યું, "હનુમાનજી ભગવાન શિવના અવતાર હતા, આ મૂર્ખને મગજ નથી અને તે રામાયણના સંવાદો લખી રહ્યો છે." તો વધુ એકે લખ્યું કે "કૃપા કરીને કોઈ આને કોઈ મૌન કરો."