AUDIO / કોરોના એક ષડયંત્ર હોવાનો દાવો : 2 ગુજરાતીની વાતચીતની ઑડિયો ક્લિપ ખૂબ વાયરલ, જાણો શું છે તર્ક-વિતર્ક

Kavan

Last Updated: 10:29 PM, 19 August 2020

FOLLOW ON

શેર કરો

રાજ્યમાં કોરોના વાયરસના કેસનો આંકડો 82 હજારને પાર પહોંચ્યો છે. ટેસ્ટિંગની સંખ્યા દિવસેને દિવસે વધારવામાં આવી રહી છે તેમ છતાં કેસ તો પહેલા જેટલા જ આવી રહ્યા છે. આ તમામ ઘટનાઓ વચ્ચે એક ઓડિયો વાયરલ થઇ રહ્યો છે જેમાં કોરોના વાયરસ એક ગ્લોબલ ષડયંત્ર હોવાનો દાવો કરવામાં આવી રહ્યો છે. બે ગુજરાતીઓ વચ્ચેની આ આ ઓડિયો ક્લિપે સમગ્ર ગુજરાતમાં ચર્ચા જગાવી છે.

કોરોના મહામારી ષડયંત્ર છે?
રોથચાઈલ્ડ ચલાવે છે સરકારો?
સુહાગિયાના તર્ક લોકોએ વાયરલ કર્યા

પ્રાપ્ત થતી જાણકારી પ્રમાણે, ભાવેશ સુહાગિયા અને હેમાંગ ઠક્કર નામના બે વ્યક્તિ વચ્ચેની વાત વાયરલ થઇ રહી છે. જેમાં વ્હોટ્સએપ પર લોકો શેઅર કરીને અવનવા પ્રશ્નો પૂછી રહ્યાં છે. તો આ ઓડિયોમાં કોરોના મહામારીને 'વિશ્વ આદેશ'ની થીયરી સાથે જોડીને વાત થઈ રહી છે અને કહેવામાં આવે છે કે, વિશ્વના 13 ધનાઢ્ય પરિવારો જ વિશ્વને ચલાવે છે તે પ્રકારનો તર્ક આપે છે. તો એવું પણ કહેવામાં આવી રહ્યું છે કે, કોરોના મહામારી ષડયંત્ર અને રસીને હાનિકારક દર્શાવીને સુહાગિયા પોતાના તર્ક રજૂ કરે છે.

જો કે આ ઑડિયો ક્લિપ ક્યાંની છે, ક્યારની છે અને આ બંને વાતો કરતા વ્યક્તિ કોણ છે તેની એવી કોઈ ચોક્કસ માહિતી મળી નથી રહી. પરંતુ સોશ્યલ મીડિયામાં આ હાલ આ ઑડિયો ક્લિપ ખૂબ વાયરલ થઈ રહી છે.