ટાઈમલાઇન / રાજકોટના TRP ગેમઝોનમાં મોતનું તાંડવ! અગ્નિકાંડમાં અત્યાર સુધી શું થયું, જાણો સમગ્ર ઘટનાક્રમ

Priykant Shrimali

Last Updated: 11:37 AM, 26 May 2024

FOLLOW ON

શેર કરો

Rajkot Game Zone Fire Latest News : અનેક મૃતદેહોની ઓળખ થઈ તો અનેકની ઓળખ હજી પણ ચાલી રહી છે, ભયાનક આગને કારણે લોકો શબને ઓળખવામાં પણ પડી રહી છે મુશ્કેલી, હવે મૃતદેહોના DNAના સેમ્પલ ગાંધીનગર મોકલાયા

Rajkot Game Zone Fire : 25 મે 2024 અને શનિવાર આ દિવસ રાજકોટ સહિત ગુજરાત માટે કારમો દિવસ સાબિત થયો. રાજકોટના TRP ગેમ ઝોનમાં સાંજના 5:30 વાગ્યા આસપાસ લાગેલી આગને કારણે 12 જેટલા માસૂમ બાળકો સહિત 30થી વધુ લોકો મોતને ભેટ્યા. આ તરફ અનેક મૃતદેહોની ઓળખ થઈ તો અનેકની ઓળખ હજી પણ ચાલી રહી છે. ભયાનક આગને કારણે લોકોના શબને ઓળખવામાં પણ મુશ્કેલી પડી રહી છે. જેને લઈ હવે મૃતદેહોના DNAના સેમ્પલ ગાંધીનગર મોકલાયા છે અને આ DNA સેમ્પલનો રિપોર્ટ 48 કલાક બાદ આવશે.

રાજકોટના કાલાવડ રોડ આવેલા TRP ગેમઝોનમાં ગઇકાલે સાંજના સમયે ભયાનક આગ લાગી હતી. વેકેશન અને વિકેન્ડની મજા માણવા ગયેલા 30થી વધુ લોકો મોતને ભેટ્યા છે. માહિતી પ્રમાણે માત્ર 30 જ સેકન્ડમાં આખેઆખો ગેમઝોન સળગી ઉઠ્યો હતો. આ તરફ ભયંકર આગને પગલે 5 કિલોમીટર દૂર ધૂમાડાના ગોટેગોટા દેખાયા હતા.

DNAના સેમ્પલ ગાંધીનગર મોકલાયા

રાજકોટમાં TRP ગેમઝોનની આગમાં મૃતકોના DNAના સેમ્પલ મોકલાયા છે અને આ DNA સેમ્પલનો રિપોર્ટ 48 કલાક બાદ આવશે. એટલે કે બે દિવસ પછી ખબર પડશે કે મૃતકોના પરિવારજનો કોણ છે. 25 DNA સેમ્પલ ગાંધીનગર મોકલાયા છે અને AIIMSમાં 16 મૃતદેહ કોલ્ડ સ્ટોરેજમાં રાખવામાં આવ્યા છે. સાથે જ 11 મૃતદેહ સિવિલ હોસ્પિટલના કોલ્ડ સ્ટોરેજમાં રખાયા છે. આ તરફ આગની તપાસ માટે રાજ્ય સરકારે ADGP CID સુભાષ ત્રિવેદીના નેતૃત્વમાં 5 સભ્યોની ટીમ બનાવી છે. પ્રાથમિક તપાસમાં સામે આવ્યું છે કે, આગ ઇલેક્ટ્રિકલ કારણોસર લાગી હતી અને આ માટે ફાયર વિભાગ પાસેથી NOC લેવામાં આવી ન હતી.

રાજકોટના TRP ગેમિંગ ઝોનમાં કેમ લાગી આગ?

ગેમિંગ ઝોનમાં રબર-રેક્સિન ફ્લોર હતું. અહીં જનરેટર માટે 1500 લિટર ડીઝલ રાખવામાં આવ્યું હતું. આ સિવાય ગો કાર રેસિંગ માટે 1000 લિટર ડીઝલ હતું. ગેમિંગ ઝોનમાં કારના ટ્રેકની કિનારે ટાયર રાખવામાં આવ્યા હતા અને શેડમાં થર્મોકોલની ચાદર લગાવવામાં આવી હતી. ત્રણ માળના સ્ટ્રક્ચરમાં પ્રવેશ અને બહાર નીકળવા માટે સીડી હતી. મોટી સંખ્યામાં લોકો એકસાથે બહાર નીકળી શક્યા ન હતા. ગેમિંગ ઝોનમાં અચાનક આગ નીચેથી ઉપર સુધી ફેલાઈ ગઈ. આ દરમિયાન બીજા અને ત્રીજા માળે હાજર લોકો બહાર આવી શક્યા ન હતા. પ્રવેશ અને બહાર નીકળવા માટે 6-7 ફૂટનો એક જ રસ્તો હતો. અહીં એન્ટ્રી માટે 99 રૂપિયાની સ્કીમ રાખવામાં આવી હતી, જેના કારણે મોટી ભીડ એકઠી થઈ હતી. આગને કારણે સમગ્ર ગેમ ઝોન બળીને ખાખ થઈ ગયો હતો. 3 કલાકમાં આગ પર કાબુ મેળવ્યો હતો. આ ઘટના બાદ ગુજરાતના તમામ ગેમિંગ ઝોનને બંધ કરવાનો આદેશ જાહેર કરવામાં આવ્યો છે.

વધુ વાંચો : રાજકોટ દુર્ઘટનાને લઈ હાઈકોર્ટમાં સુઓમોટોની અપીલ, એડવોકેટ એસોસિએશનના પ્રમુખે કરી અરજી

રાજકોટ TRP ગેમઝોન આગ દુર્ઘટનામાં અત્યાર સુધી શું-શું થયું ?