બિઝનેસ / ચીનને લાગશે વધુ એક ઝટકો: ચાઇનીઝ કંપનીઓએ મોટો નિર્ણય લેવાની તૈયારીમાં, જાણો ભારતને શું થશે મોટો ફાયદો

• ચીનને ચીનની કંપનીઓ જ ઝટકો આપી શકે છે
• મેડ-ઈન ઈન્ડિયા સ્માર્ટફોનને બીજા માર્કેટમાં એકપોર્ટ કરવામાં આવશે
• સેમસંગ અને એપલ પહેલેથી જ ભારતમાં બનેલા ફોનની નિકાસ કરી રહ્યા છે

ચીનને ચીનની કંપનીઓ જ ઝટકો આપી શકે છે. જો કે તેનાથી ભારતને ઘણો ફાયદો મળી શકે છે. એક રિપોર્ટ અનુસાર ચાઈનીઝ સ્માર્ટફોન બ્રાન્ડ્સ Xiaomi, Oppo અને Vivo આ વાત પર તૈયાર થઈ ગયા છે કે મેડ-ઈન ઈન્ડિયા સ્માર્ટફોનને બીજા માર્કેટમાં એકપોર્ટ કરવામાં આવશે. જો આમ થયું તો ભારત સરકારના મેક ઇન ઇન્ડિયા કાર્યક્રમને પણ ઘણો વેગ મળશે. 

આ સાથે જ આ પગલાથી ચાઈનીઝ ફેસિલિટીમાંથી મોટા ભાગના મેન્યુફેક્ચરિંગ આઉટપુટમાં ઘટાડો થઈ શકે છે. અનેક મીડિયા રિપોર્ટ્સમાં દાવો કરવામાં આવ્યો છે કે આ ભારત સરકારની મોટી જીત છે અને આવું પહેલી વખત બનશે જ્યારે ચીનની સ્માર્ટફોન કંપનીઓ ગ્લોબલ પ્રોડક્શન વેલ્યૂને ભારત સાથે શેર કરશે. જો કે આ પહેલા કંપનીઓ તેને ઘણી વખત રિજેક્ટ કરી ચૂકી છે, 

સેમસંગ અને એપલ પહેલેથી જ ભારતમાં બનેલા ફોનની નિકાસ કરી રહ્યા છે
મેડ-ઈન ઈન્ડિયા સ્માર્ટફોનને બીજા માર્કેટમાં એકપોર્ટ શરૂ થશે તો  આવનારા સમયમાં તેની અસર કંપનીઓની મેન્યુફેક્ચરિંગ સ્ટ્રેટર્જી શિફ્ટ પર જોવા મળશે. હાલ રિપોર્ટમાં કહેવામાં આવ્યું છે કે Xiaomi, Oppo અને Vivoએ ભારતમાં ઉત્પાદિત ફોનની નિકાસ શરૂ કરવાની યોજના બનાવી છે. જો કે સેમસંગ અને એપલ પહેલાથી જ ભારતમાં બનેલા ફોનને અન્ય માર્કેટમાં એક્સપોર્ટ કરી રહ્યા છે. આ સાથે જ રિપોર્ટમાં કહેવામાં આવ્યું છે કે Xiaomi, Oppo અને Vivo દ્વારા ભારતમાં બનાવેલા ફોન આફ્રિકા, મધ્ય પૂર્વ, લેટિન અમેરિકા અને યુરોપના કેટલાક ભાગોમાં એસપોર્ટ થશે અને આ સિવાય પાકિસ્તાન જેવા પાડોશી દેશોમાં ફોનની નિકાસ કરી શકાય છે. 

PLI સ્કીમનો પણ લાભ મળશે
કોરોના અને ગાલવાન ખીણમાં થયેલ ઘટના પછી ભારતમાં ચીની રોકાણને નિરાશ કરવા માટે સરકાર દ્વારા લાદવામાં આવેલા કડક નિયંત્રણોનું પરિણામ પણ આ હોઈ શકે છે. જો કે હાલ ચીની સ્માર્ટફોન કંપનીઓ માટે ભારતમાં તેમનું રોકાણ ચાલુ રાખવું મુશ્કેલ બની ગયું છે. ભારતીય બજારમાં ટકી રહેવા માટે આ ત્રણેય કંપનીઓ સરકારની પ્રોડક્શન-લિંક્ડ ઇન્સેન્ટિવ (PLI) યોજનાને કારણે આ પગલાં લઈ શકે છે. 

રિપોર્ટમાં ટાંકીને કહેવામાં આવ્યું છે કે Xiaomi, Oppo અને Vivo પર સરકારનું વધતું દબાણ પણ કામ કરી રહ્યું છે અને એવું પણ માનવામાં આવે છે કે Optiemus Infracom અને Dixonજેવી સ્થાનિક મેન્યુફેક્ચરિંગ કંપનીઓ આ ચીની કંપનીઓ સાથે વાતચીત કરી રહી છે. અત્યારે આ અંગે વધુ અહેવાલોની રાહ જોવાની રહી.