સ્વાસ્થ્ય / બ્રશ કર્યા પછી પણ મોંમાંથી વાસ આવે છે? મોઢામાંથી દુર્ગંધ આવવી હાર્ટની બીમારીનો સંકેત! સંભાળજો નહીંતર છાતી કૂટશો

• શ્વાસની દુર્ગંધ એ સ્વચ્છતાની સાથે બેદરકારીની બાબત 
• નિયમિતપણે મોં સાફ ન કરવાના પગલે મોઢામાંથી દુર્ગંધ આવે
• બ્રશ કર્યા પછી અને સ્વચ્છતાનું ધ્યાન રાખવું જરૂરી
• શ્વાસની દુર્ગંધનો હૃદય સાથે હોઈ શકે છે સંબંધ

શ્વાસની દુર્ગંધનું કારણઃ શ્વાસની દુર્ગંધ એ સ્વચ્છતાની સાથે બેદરકારીની બાબત માનવામાં આવે છે. ઘણા લોકો નિયમિતપણે મોં સાફ નથી કરતા જેના કારણે તેમના મોઢામાંથી દુર્ગંધ આવવા લાગે છે. પરંતુ કેટલીકવાર દરરોજ બ્રશ કર્યા પછી અને સ્વચ્છતાનું ધ્યાન રાખવાથી પણ શ્વાસમાં દુર્ગંધ આવે છે. આવી સ્થિતિમાં લોકોને ચિંતા થાય છે કે શું તેઓ મોં બરાબર સાફ નથી કરી રહ્યા? જો સ્વચ્છતા હોવા છતાં શ્વાસમાં દુર્ગંધ આવતી હોય તો તેની અવગણના કરવાને બદલે સાવચેતી રાખવાની જરૂર છે કારણ કે તે હૃદયરોગની નિશાની પણ હોઈ શકે છે.

 
શ્વાસની દુર્ગંધનો હૃદય સાથે સંબંધ હોઈ શકે છે

પેઈન મેડિસિન જર્નલમાં પ્રકાશિત થયેલા સંશોધનમાં, આરોગ્ય નિષ્ણાતોએ લોકોને પેઢા સંબંધિત સમસ્યાઓ અને હૃદય રોગ વચ્ચેના જોડાણ અને જોખમ વિશે ચેતવણી આપી છે. આ રિસર્ચમાં હેલ્થ એક્સપર્ટ્સનું કહેવું છે કે શ્વાસની દુર્ગંધને હૃદયની બીમારી સાથે કનેક્શન હોઈ શકે છે. તે કહે છે કે જો તમને વારંવાર શ્વાસની દુર્ગંધ આવે છે, તો તે હૃદય રોગના વિકાસની નિશાની હોઈ શકે છે. જો ગમ સંબંધિત સમસ્યાઓ લાંબા સમય સુધી ચાલુ રહે છે, તો તે હાર્ટ એટેક, સ્ટ્રોક અને હૃદયની નળીઓને લગતી સમસ્યાઓ તરફ દોરી શકે છે.

 
હાર્ટ એટેકનું જોખમ પેઢાની સમસ્યાઓ સાથે જોડાયેલું

સંશોધકોના મતે, જો કોઈ વ્યક્તિ પેઢાની બીમારીથી પીડિત હોય અને તેના મોંમાંથી દુર્ગંધ આવતી હોય અને પેઢામાં સોજો પણ આવતો હોય તો તેના શરીરમાં હૃદય સંબંધિત બીમારીઓનું જોખમ હોય તેવી શક્યતા છે. જો આ પ્રકારની સમસ્યા વારંવાર થતી હોય તો ડોક્ટર પાસે તપાસ કરાવવી જરૂરી બની જાય છે.

વધુ વાંચો : અંધારામાં વધારે સમય વિતાવનારા સાવધાન! નહીં તો મગજને થઇ શકે છે ગંભીર અસર, જાણો નુકસાન
 
પેઢામાં ઈન્ફેક્શન થાય 

જ્યારે પેઢાને યોગ્ય રીતે સાફ કરવામાં ન આવે તો પેઢામાં ઈન્ફેક્શન થાય છે. ચેપ ફેલાવતા બેક્ટેરિયા શરીરના અન્ય ભાગોમાં પણ ફેલાય છે અને તેનાથી હૃદયની ધમનીઓમાં સોજો આવવાનું જોખમ વધી જાય છે. આ બેક્ટેરિયાના કારણે હૃદયના વાલ્વમાં બળતરા થવાનું જોખમ રહેલું છે. ખાસ કરીને જેઓ પહેલાથી જ હ્રદયરોગથી પીડિત છે. પેઢાને લગતી કોઈપણ બીમારી તેમને ઝડપથી અસર કરે છે કારણ કે પેઢાને બગાડનારા બેક્ટેરિયા લોહીના પ્રવાહમાં પ્રવેશી શકે છે અને હૃદયના વાલ્વને ચેપ લગાડે છે. તેથી હૃદયના દર્દીઓએ તેમના મૌખિક સ્વાસ્થ્ય વિશે સાવચેત રહેવું જોઈએ.